İşğal etilgen Qırımda 2024 senesi 560 bedeniy ve uquqiy şahısnıñ mülkiyetini "milliyleştirdiler", Sevastopolda (AqyarRusiye imperiyası ve Soviet Birligi tarafından Qırımnıñ meskün yerleriniñ adlarını deñiştirüv islâatından evelki adda) 135 binağa tesir etti. Umumen alğanda, zapt etilgen mülkniñ satıluvından yarımadanıñ işğalli akimiyeti 4,4 mlrd ruble aldı, olarnı içtimaiy ihtiyaclarğa sarf etmege planlaştıra.
Ukraina prezidentiniñ Qırım Muhtar Cumhuriyetindeki daimiy temsilcisiniñ muavini Denıs Çıstikov bunı bildirdi. O, Suspilne Qırımğa işğalciler Qırım sakinleriniñ mülkiyetini nasıl etip zapt etkenini ve buña qarşı nasıl qorçalamaq mümkün olğanını añlattı.
Mal-mülkniñ "milliyleştirilüvi"niñ sebebi
Onıñ aytqanına köre, mülkniñ ayırılması sıñırlanmadı. Lâkin şimdi Rusiye diktatorınıñ iştirakinen keçirilgen Qırımnıñ 2030 senesine qadar maliye etilmesiniñ devam etmesi boyunca toplaşuvdan soñ Qırım bücetini maliye etmek kerekligi arttı.
Çıstikov añlattı ki, "cumhuriyet büceti" 2/3 federal devlet bücetinden berilgen grantlardan ibaret. Yıl-yıldan bu ihtiyaclar, "cumhuriyet büceti" seviyesinde qazanç imkânları eksilmekte, şunıñ içün işğalli akimiyet para qazanmaqnıñ başqa usullarını qıdıra.
Onıñ qayd etkenine köre, Rusiye vatandaşlarınıñ memnüniyetsizligi artqanı içün federal bücetten yardımnı sıñırsız arttırmaq imkânsızdır. Olar Rusiye Federatsiyasında olğan bütün meseleler Qırımnen bağlı olğanını tüşüneler, dep Ukraina prezidentiniñ Qırım Muhtar Cumhuriyetindeki vekâletlisiniñ muavini ayttı.
"Milliyleştirüv"ge birinci nevbette nasıl obyektler kire
İşğalli memuriyetniñ areketleri subyektiv qararlar ve istismarlar esasında yapıla, dep Çıstikov qayd etti.
"Olar, "terroristik aktlarnı azırlanuv" da olğan "dostsuz areketler"de qabaatlanğan insanlarnı ya da biznesni qıdıralar. Şartlı olaraq böyle insanlarnı tapqan soñ, mallarını qıdıralar. Ve ileride işğalli akimiyetniñ qararınen onı "milliyleştireler", yani "Qırım Cumhuriyeti"niñ mülkiyetine bereler", — dep añlattı o.
Ukraina prezidentiniñ Qırım Muhtar Cumhuriyetindeki vekâletli temsilcisiniñ muavini qayd etti ki, mülkniñ "milliyleştirilüvi" yarımadanıñ "akimiyeti"niñ öz menfaatları sebebinden, hususan, obyekt iqtisadiy ceetten meraqlı olsa, rastkelmek mümkün olur.
İşğalli memuriyetke yaqın olğan insanlarğa ya da bizneslerge mülkniñ satıluvı zapt etilgen soñ başlana.
Mal-mülkniñ işğalciler tarafından zapt etilmesinden nasıl saqlanmaq
"Al-azırda bu tek Ukraina uquq qorçalayıcı organlarına muracaat etip, işbu cinayetni qayd etmek içün yapıla. Em de halqara qurulışlarğa muracaat etmek, ve ileride — şimdi ayrı usullar bar, — amma Rusiye işğali ketirgen zarar içün şu cümleden Rusiye Federatsiyasından alınğan paralar esabına tazminat daa işlep çıqarılacaq", — dep ayttı Çıstikov.
Telegram, WhatsApp ve Facebookta Suspilne Qırım haberlerine abune oluñız
