Rusiyege boysunğan Sevastopolnıñ (AqyarRusiye imperiyası ve Soviet Birligi tarafından Qırımnıñ meskün yerleriniñ adlarını deñiştirüv islâatından evelki adnıñ) Gagarin rayon makemesi, "Yehova şaatları" diniy teşkilâtınıñ vekilleri Viktor Kudinov ve Serhiy Jığalovnı müstemlekede altı yılğa üküm etti. Olarnı "aşırıcılıq teşkilâtı"nıñ faaliyetini teşkil etkenlerinde qabaatladılar.
Qara qış ayınıñ 15-nde "Yehova Şaatleri Avropa Birligi"niñ matbuat hızmeti bunı bildirdi.
2025 senesi qara qış ayınıñ 14-nde makemeci Serhiy Korotun qarar çıqardı. Qabaatlavnıñ sebebi, maküm etilgenlerniñ ibadetlerde yapqan areketleri oldı: olar tedbirlerni idare ete ediler, iştirakçilerge sualler bereler ve cevapları içün teşekkür bildireler. Kudinov ve Jığalovğa qoltutmaq içün makeme binasına 100-den çoq insan keldi.
"İbadetlerde çıqarılğan video — men Tanrığa barışıqnen ibadet etkenim ve "bir-birimizge toplaşuvımıznı taşlamayıq, lâkin Muqaddes Kitapta yazılğanı kibi, biri-birimizni teşviq eteyik" buyruğını yerine ketirgenimniñ isbatıdır", — dep soñki sözlerinde Serhiy Jığalov ayttı.
İmaye, ekspertizanıñ çoqusı bozuluvlarnen bağlı olğanını ayta. O, ilmiy olmağan menbalarğa esaslanıp, "Yehova şaatları"nıñ dinine nisbeten ögüni alğan hulâsalarğa esaslandı. Davağa "gizli şaat" Nadiya Dıkmannıñ İvanova adınen ve daa evel böyle davalarda şaatlıq etken, amma şahsen qabaatlanğanlarnen tanış olmağan şahısnıñ ifadeleri de kirsetildi.
"Yehova Şaatları Avropa Birligi"niñ malümatına köre, soñki eki yıl içinde Qırımda bu din cemiyetiniñ taqip etilüvi eki qat 16-dan 32-ge qadar arttı. On bir din adamı müstemlekede uzun müddet devamında buluna.
Hatırlatamız ki, Suspilne Qırımnıñ Youtube kanalında "Din nezaret altında. Yehova Şaatleri" videosını baqmaq mümkün. Anda Qırımda diniy teşkilâtnıñ taqip etilüvi aqqında aytıla edi. Birinci videoda mustaqil musulman cemiyetleriniñ taqip etilüvi aqqında ikâye ettik, ekincisinde ise işğal etilgen pravoslav dini aqqında.
"Yehova şaatları"nıñ taqip etilüvi aqqında ne bilemiz
2017 senesi Rusiye bu diniy teşkilâtnı aşırıcı olaraq tanıdı ve onıñ faaliyetini, şu cümleden işğal etilgen Qırımda da, yasaq etti. 2018 senesi "Yehova şaatları"nıñ taqip etilmesi boyunca cinaiy davalar başladı. Avropa insan aqları makemesi (AİAM) Rusiye ve işğal etilgen Qırımda "Yehova Şaatları" teşkilâtınıñ yasağını qanunsız dep tanıdı. "Yehova şaatları"nıñ resmiy saytında berilgen malümatqa köre, 2024 senesi arman ayına qadar Qırımdaki apishanelerde "Yehova şaatları"nıñ doquz vekili tutula.
Telegram, WhatsApp ve Facebookta Suspilne Qırım habelerine abune oluñız
