"Ateş" partizanları, Kezlevde rusiye arbiyleriniñ istinat noqtalarnıñ istihbaratını keçirgenlerini iddia eteler. Yerastı gizliliginiñ malümatına köre, onı yalı yanında çoq qatlı baqımsız binasında yerleştirdiler.
Bunıñ aqqında arbiy-vatanperverlik areketiniñ Telegram-kanalında denile.
Qayd etilgeni kibi, territoriyanı imaye astına alıp köz etüv ve atış içün mevzimlerini qurdılar. İstinat noqtası yanında RF-nıñ arbiy tehnikası ve terkibi qayd etilgen.
"Qırımda grajdan binasında arbiy obyektlerniñ yerleştirüvi, muntazam vaqiası olğan. Bundan da ğayrı, böyle areketlernen işğalciler öz ögünde bir qaç maqsadını qoyalar – tek yarımadanıñ "mudafaaasını" degil, daa öz zenginleştirüvi içün farqlı obyektlerniñ musadere etüvini de", – denile beyanatta.
Yerastı gizlilik, yarımadanıñ serbest etüvine öz issesini yapmaq içün Qırım sakinlerini işğal akimiyetinen küreşmege çağıra.
Telegram, WhatsApp ve Facebookta Suspilne Qırım haberlerine abune oluñız
