Ukrainada Rusiyenen işbirlik yapqan üç Qırım iş adamını ğıyabiy şekilde maküm ettiler. Olar işbirlik faaliyetiUkraina CQniñ 111-nci maddesiniñ 1-nci qısmınde qabaatlı tanıldı ve 4 yıl azatlıqtan marum etüv, 10 yılğa iqtisadiy faaliyetnen oğraşuv aqqından marum etüv ve mal-mülkniñ musadere etilmesi cezasına maküm etildi.
Qırım MC ve Sevastopol (AqyarRusiye imperiyası ve Soviet Birligi tarafından Qırımnıñ meskün yerleriniñ adlarını deñiştirüv islâatından evelki ad) şeeriniñ prokurorlığınıñ matbuat hızmeti bunı bildirdi.
Prokurorlar makemede isbatladılar ki, 2022 senesi Rusiye Federatsiyasınıñ devlet satın aluvlarında iştirak etmege imkân bergen portalı vastasınen maküm etilgenler göñülli olaraq Rusiye müessiselerine mal ve hızmetlerniñ berilmesi içün añlaşmalar tizdiler.
Muhtariyet prokurorlığınıñ malümatına köre, maküm etilgenlerden biri "Rusiye Federatsiyasınıñ Qaradeñiz flotunıñ arbiy prokurorlığı"nen işbirlik tutqan edi, başqa maküm etilgen şahıs ise "devlet mudafaa siparişi" çerçivesinde Rusiyeniñ İşğal etilgen Qırımdaki İçki işler nazirligi içün Yaltada çalışqan edi. Daa bir şirket "Qırım Cumhuriyetiniñ İçki işler nazirligi"niñ laboratoriyaları içün malzemelerniñ teminlevi boyunca hızmetlerini köstergen edi.
Söz "YUG SERVİS-BİOKLUB Şirketi", "FİRMA KOMPAS" ve işğalli akimiyet içün yapqan işleri içün Rusiye Federatsiyasınıñ devlet bücetinden 4 million ruble≈ 1,6 million ğrıvnâden çoq alğan şahsiy teşebbüs aqqında kete.
Qırım MC ve Aqyar şeeriniñ prokurorlığı Suspilne Qırımğa añlattı ki, qabatalanğan adam olmadan mahsus makeme oturışları ("ğıyabiy ükümler") neticesinde çıqarılğan ükümler umumiy şekilde aqqını qazanalar. Yani apellâtsiya şikâyetnamesi berilmese, apellâtsiya şikâyetnamesini berüv müddeti (üküm çıqarılğan 30 kün soñ) bitecek soñ aqqını qazanır.
Apellâtsiya şikâyetnamesi berilse ve lâğu etilmese, apellâtsiya makemesi qarar alacaq soñ üküm aqqını qazana. Aynı zamanda adam tutulğan vaqıttan berli ceza müddeti başlap sayıla.
Telegram,WhatsApp ve Facebookta Suspilne Qırım haberlerine abune oluñız
