Qara qış ayınıñ 3-nci sabası Rusiye, "Kalibr" qanatlı raketasınıñ taşıyıcısı olğan bir gemisini Qara deñizge arbiy hızmetke yolladı. Azaq deñizinde ise işğalcilerniñ gemileri qayd etilmedi.
Ukraina Arbiy-deñiz quvetleriniñ matbuat hızmeti Telegramda bunı bildirdi.
Aq deñizde ise sekiz duşman gemisi bar, olardan üçü — umumen 26 "Kalibr" qanatlı raketasınıñ taşıyıcısıdır.
Bundan ğayrı, keçken künü Rusiye Federatsiyasınıñ menfaatları içün Keriç boğazından Azaq deñizine dört gemi keçti, iç biri İstanbul boğazına areket etmedi. Qara deñizge ise beş gemi keçip, olardan ekisi İstanbul boğazına areket etti.
"Rusiye, avtomatik identifikatsiya sistemasını (AIS) söndürerek, 1974 senesiniñ Deñizde insan ayatınıñ qoruvı aqqında halqara şartnamesini (SOLAS) bozmağa devam ete", — dep qayd etildi.
Telegram, WhatsApp ve Facebookta Suspilne Qırım haberlerine abune oluñız
