Bu sene ruslar öz gemilerini Qırımdan keri çıqardılar, dep bildirdiler Ukraina Arbiy-deñiz quvetleri. Bir yıl içinde, Baş ştabnıñ malümatına köre, bu sene ukrain mudafaacıları Rusiye Federatsiyasınıñ 5 gemisini, tolu miqyaslı cenk vaqtında ise 28 kateri ve bir suvastı gemisini urdılar.
Ukraina Mudafaa quvetleri 2024 senesi işğal etilgen Qırım yalısında Rusiye flotunı nasıl yoq etkeni aqqında Suspilne Qırım mühbiri Viktoriya Korduban Arbiy deñiz quvetleriniñ nutuqçısı Dmıtro Pletençuk, 2004-2020 seneleri Arbiy deñiz quvetleriniñ ştabınıñ yolbaşçısınıñ muavini Andriy Rıjenko ve arbiy mütehassıs Pavlo Lakiyçuknen subetleşti.
"İvanovets na dni" (''İvanovets deñizniñ altında'') — Bİİ, kiçik aynıñ 1-ge keçer gecesi Rusiye raketa gemisiniñ yoq etilmesi aqqında böyle haber etti. "İvanovets" bu sene batqan ilk Rusiye gemisi oldı. Ekipajı Doñuzlav gölü yanında Qara deñizde qaravul ete edi. Qanatlı raketa taşıyıcıları olğan gemiler Ukraina içün telüke teşkil ete, dep añlattı Arbiy deñiz quvetleriniñ nutuqçısı Dmıtro Pletençuk:
"Bu sıfatta qullanıla bilgen gemiler arasında bu sene "Rostov-na-Donu" suvastı gemisinen vedalaştıq. O, zarar körgen ekinci gemi oldı. Bundan evel, onıñ sağ qalmaycağından emin olsaq da, ekinci zarar körgen soñ, eminligimiz arttı. Elbette, "Tsıklon"nıñ ğayıp oluvı — sekiz raketanıñ taşıyıcısı olğan "Qaraqurt" leyhasınıñ küçük raketa gemisi edi. O, Qırımda qalğan soñki gemisi edi ve ava mudafaası gemisi olaraq qullanıla edi''
Arbiy mütehassıs Pavlo Lakiyçuknıñ fikirince, eñ parlaq adise Rusiyeniñ silâ taşığan büyük desant gemilerine yapılğan ücümler oldı. Mütehassısnıñ aytqanına köre, kiçik aynıñ 14-nde "Magura" deñiz dronları tarafından batırılğan "Tsezar Kunikov" adlı büyük desant gemisi böyle edi. Bu gemi Moskva tarafından Gürcistan, Suriye ve Ukrainağa qarşı cenklerde qullanılğan edi, dep ayttı arbiy istihbarat. Ve şunı qoştı: simvolik olaraq, "Tsezar Kunikov" gemisiniñ adını taşığan sovet zabiti de 81 yıl evelsi tamam kiçik aynıñ 14-nde öldürildi.
"Eñ parlaq darbeler — Novorossiyskten Qırımğa silâ, raketa ve mermiler ketirgen Rusiye desant gemileriniñ yoq etilmesidir. Çünki bundan evel "Qırım köprü" zarar körgen edi. Bu, deñizde "Tsezar Kulinikov", büyük desant gemisi "Novoçerkassk"nıñ yoq etilmesidir. Boş desant gemileri patlatılmadı, şeerlerimizge, mudafaacılarımızğa tüşecek olğan tonna patlayıcı patlatıldı. Muvafaqiyetleri bar edi, ruslar bu naqliyat usulından vazgeçti", — dep ayttu "Strategiya XXI" Globalistika merkeziniñ telükesizlik programmalarınıñ reberi Pavlo Lakiyçuk.
Arbiy deñiz quvetleriniñ nutuqçısı Dmıtro Pletçençuknıñ fikirince, ruslarnıñ paromlarnıñ ğayıp oluvı da müimdir. Meselâ, arman ayında Rusiye Silâlı quvetleri Rusiyeniñ Krasnodar ülkesinde "Kavkaz" limanında "Kornor treyd" paromına ücüm ettiler.
"Malümat grafikasında, adetince, paromlar yoq. Olar şartlı olaraq vatandaş naqliyatı sayılalar. Aslında böyle üç paromnıñ ğayıp oluvı — bu anda arbiy birliklerniñ ğayıp oluvı kibi müim bir şeydir. Cenk — bu logistika ve tamam bu birlikler bu logistikanı temin ete ediler", — dep tarif etti Dmıtro Pletçençuk.
Bundan da ğayrı, — dediler deñiz quvetleri, — Ukraina mudafaa quvetleri bu sene "Kovrovets" deñiz mina gemisine ücüm ettiler, "İvan Hurs" istihbarat gemisini ve Rusiye flotunıñ eñ eski gemisi olğan "Kommuna" qurtarıcı parom gemisini urdılar. O, yüz yıldan çoq suvğa tüşti. 2014 senesi Qırımda Rusiye zapt etken "Kostântın Olşanskiy" sabıq ukrain gemisi de zarar kördi. Bu neticesine, hususan, deñiz dronları sayesinde irişildi, dep ayttı arbiy mütehassıs Pavlo Lakiyçuk:
"Bu endi tek taqımsız gemiler degil, bu farqlı bölüklerden ibaret olğan arbiy bölüktir. Bazıları mudafaalarnı bozalar, bazıları maqsatqa irişmek kerekler, üçüncisi ava mudafaasınıñ diqqatını özüne celp ete, şimdi ise tek diqqatını celp etmekten çoq, olarğa ücüm ete. Yani, bu bam-başqa bir taktikadır, bam-başqa bir qarşılıq seviyesi. Ekincisi — deñiz ve avada qullanılğan komplekstir".
Bu sene ruslar öz gemilerini Qırım ve Azaq deñizinden çıqardılar, dep qayd ettiler USQniñ Arbiy deñiz quvetleri. Şimdi olar Novorossiysk limanında bulunalar.
"Aqyardan (Sevastopoldan) Novorossiyskke qadar mesafe 300 deñiz mil ola. Bu raketa içün qoşma mesafe. AMSAva mudafaası sistemasılarını arbiy rejimge keçiremiz, ve cevap bermek içün daa çoq vaqıtımız olur. Ekinciden, olar bizim yalımızdan daa uzaq buluna. Meselâ, 1922 senesi olar, kerçekten de, bizim yalımızğa yaqınlaştılar ve Odesanı öz top silâsından ateşke berdiler. Bu kerçekten de öyle. Mında endi telükesizlik bar", — dep añlattı Ukraina Arbiy deñiz quvetleri ştabınıñ yolbaşçısınıñ muavini (2004-2020) Andriy Rıjenko.
Buña baqmadan, dep qayd etti Dmıtro Pletçençuk, bizim Qara ve Azaq deñizleriniñ topraqlarımız ve suvlarımız Rusiye tarafından işğal etilip qala. Ve daa çoq işimiz bar", — dep qoştı AQŞ Arbiy-deñiz quvetleriniñ nutuqçısı:
"Pek çoq qanuniy maqsat qala. Eñ azından sekiz qanatlı raketa taşıyıcısı bar, bu üç suvastı gemidir. Bu üç küçük "Buyan-M" leyhasınıñ raketa gemisidir. Olarnıñ er biriniñ sekiz ateş açıcı aleti bar. Ve bu, bizim çoqtan berli esaplağanımız eki fregat. Bizden çoq bahşış aldılar, zarar körgen yerleri tamir etildi. Bular "Admiral Esen", "Admiral Makarov" fregatları. Bu, onlarnen ukrain vatandaşınıñ ayatını alğan gemiler. Misal olaraq, Mıkolayiv vilâyet devlet memuriyetiniñ binası yoq etilgende 36 insan elâk oldı".
"Strategiya XXI" Globalistika merkeziniñ telükesizlik programmalarınıñ reberi Pavlo Lakiyçuk kelecek sene Rusiye Federatsiyasınıñ Qaradeñiz flotuna nisbeten öz istekleri aqqında tarif etti:
"Menim bir gemim bar, onı buzlatmağa ve yoq etmege pek ister edim. Bu, Şimaliy flottan keçenlerde çıqarılğan "Pötr Morğunov". Esas meselesi, daa çoq demir batması degil, Rusiye quvetleriniñ, şu cümleden Qaradeñiz flotunıñ, qabiliyetiniñ tüşmesi, istenilgen olsa, sıfırğa qadar tüşmesi".
Baş ştabnıñ malümatına köre, umumen Mudafaa quvetleri tolu miqyaslı istilâsı vaqtında eñ azdan 28 Rusiye arbiy gemisi ve bir suvastı gemisini urdılar.
Telegram, WhatsApp ve Facebookta Suspilne Qırım haberlerine abune oluñız
