Ukraina nazirler kabineti, 2025 senesiniñ ilk aylarında resmiy tarzda qırımtatar tiliniñ imlâsını qabul etebile. O, kelecekte qırımtatar tiliniñ luğatını azırlamağa fırsatını berer.
Bunıñ aqqında qırımtatar halqnıñ Meclis başı Refat Çubarov, yekün çekici matbuat konferentsiyasınıñ vaqtında bildirdi.
"2025 senesiniñ ilk aylarında Ukraina nazirler kabineti, öz qararınen qırımtatar tiliniñ imlâsını qabul eticegine ümüt besleyim. O, ögümizde bar olğan bazı ameliy vazifelerine yolunı aça. Ayrıca, qırımtatar tiliniñ izalı luğatınıñ azırlanmasına dair", – qayd etti Refat Çubarov.
Telegram, WhatsApp ve Facebookta Suspilne Qırım haberlerine abune oluñız
