Qırımnıñ on yıllıq işğali devamında Rusiye akimiyeti yarımadanıñ sakinleriniñ üçte birinden çoqusını deñiştirdi. İşğalli memuriyet, Rusiye sakinleriniñ yarımadağa büyük miqyaslı köçmesi, 2022 senesinden soñ ise Ukrainanıñ yañı işğal etilgen topraqlarından mecburiy köçmesini teşkil etti. Yañı kelgenlerniñ sayısı tahminen bir millionğa yaqın.
Ukraina prezidentiniñ Qırım Muhtar Cumhuriyetindeki daimiy temsilcisiniñ vazifesini eda etken Olğa Kurışko Tıjden.ua neşirine intervyusında bunı añlattı.
"2,5 million insannıñ yaşağanı bölge içün demek ki, on yıl devamında işğal altında olğanlarnıñ 35%-den çoqusı deñiştirildi", — dep ayttı Kurışko.
O şunı da qoştı ki, Kıyiv halqara içtimaiyat institutınıñ Qırımnıñ kognitif deokkupatsiyası boyunca içtimaiyat tedqiqatınıñ neticelerine köre, Rusiye işğalinden soñ Qırım ealisiniñ qavmiy terkibi pek deñişti.
Telegram, WhatsApp ve Facebookta Suspilne Qırım haberlerine abune oluñız
