İlk qış ayınıñ 23-nci sabası Rusiye gemilerini, şu cümleden "Kalibr" qanatlı raketasınıñ taşıyıcılarını, Qara ve Azaq deñizlerine arbiy hızmetke çıqarmadı.
Ukraina Silâlı Quvetleriniñ Arbiy-deñiz quvetleriniñ matbuat hızmeti Telegramda bu aqqında haber etti.
Aynı zamanda Aq deñizde sekiz rusiye gemisi bar, olardan üçü — umumen 25 "Kalibr" qanatlı raketasınıñ taşıyıcısıdır.
Bundan da ğayrı, qayd etildi ki, keçken künü Rusiye Federatsiyasınıñ menfaatları içün Keriç boğazından Azaq deñizine altı gemi keçti, olardan 1-i İstanbul boğazına areket etti.
"Rusiye, avtomatik identifikatsiya sistemasını (AIS) söndürerek, 1974 senesiniñ Deñizde insan ayatınıñ qoruvı aqqında halqara şartnamesini (SOLAS) bozmağa devam ete", — dep qayd etildi.
Telegram, WhatsApp ve Facebookta Suspilne Qırım haberlerine abune oluñız
