Prezident Volodımır Zelenskıy, Ukraina vaqtınca işğal etilgen Qırımnı ve Donbasnı qaytarıp olamay, dep bildirdi. Onıñ aytqanına köre, Rusiye diktatorı Vladimir Putinni muzakerelerge mecbur etmek içün diplomatik basqı kerek.
O, ilk qış ayınıñ 17-nde Le Parisien frenk gazetasınıñ oquyıcılarınen onlayn subetinde bunı bildirdi.
"Biz topraqlarımıznı teslim etip olamaymız. Ukraina Anayasası bunı yapmağa yasaq ete. Aslında bu topraqlar şimdi ruslarnıñ nezaretindedir. Olarnı qaytarmaq içün küçümiz yoq. Biz, Putinni muzakere masasına oturtmaq içün, halqara toplulıqnıñ diplomatik basqısına işana bilemiz", — dep qayd etti prezident.
Ukraina devletiniñ yolbaşçısı şunı da qayd etti ki, iç bir dünya lideri "Putinnen Ukrainadan tış muzakerelerni keçirmege aqqı yoq".
Telegram, WhatsApp ve Facebookta Suspilne Qırım haberlerine abune oluñız
