İlk qış ayınıñ 10-nda "Kvartal 95" studiyası ilk qış ayınıñ 31-nde "1+1" kanalında yayınlanacaq "Veçirniy kvartal" yañı yıl seriyasınıñ anonsını işğal etilgen Qırımsız Ukrainanıñ haritasınen derc etti. Telekanal bunı "vizual effektlerniñ qullanuvınıñ tehnikiy hususiyetleri"nen añlattı ve haritanı anonsta yañarttı.
Mütenasip ilân "Kvartal 95"niñ resmiy Instagram saifesinde yayınlandı, soñra ise bu yazı silindi.
Videoda alternativ dünya haritası qullanıldı, Rusiyeniñ yerine "Hayal okeanı" kösterildi, amma Rusiyenen beraber Qırımnı da "çıqardılar".
"Birleştirilgen Kvartalnıñ bir tedaviyleyivi çaresi bar: Rusiye Zemin seyyaresinden ğayıp ola", — dep harita kösterilmezden evel aktör Oleksandra Maşlâtina yırladı.
"1+1" telekanalı qayd etkenine köre, "vizual effektlerniñ qullanuvınıñ tehnikiy hususiyetleri" sebebinden, reklama levhasınıñ evelki versiyasında Qırımnıñ sıñırları" añlaşılmağan körüne bile edi".
"Bizge bunı añlamağa yardım etken seyircilerimizge ve abunecilerimizge minnetdarmız. Videonıñ yañartılğan versiyası iç bir şübe qaldırmay: Qırım Ukrainadır ve Ukraina olacaqtır", — dep qayd etti telekanalnıñ matbuat hızmeti.
OHatırlatamız ki, canlı yayında 2026 dünya çempionatını qulunlanğanda Halqara futbol federatsiyası Qırımsız Ukrainanıñ haritasını kösterdi.
Ukraina Tış işleri nazirliginiñ spikeri Ğeorgiy Tıhıy bunı halqara uquqnıñ bozuluvı, em de Rusiye teşviqatınıñ, arbiy cinayetlerniñ ve Ukrainağa qarşı cinaiy tecavuznıñ desteklenmesi dep adlandırdı.
Aynı zamanda Ukraina futbol assotsiatsiyası FIFAnıñ baş kâtibi Matias Grafström ve UEFAnıñ baş kâtibi Teodor Teodoridiske mektüp yazdı. Anda teşkilâtçılarnıñ hataları qabul etilmeycegini bildirdiler.
Telegram, WhatsApp ve Facebookta Suspilne Qırım haberlerine abune oluñız
