Ukraina Tış işler nazirligi (TİN), 2026 futbolnıñ dünya çempionatında jerepçilik vaqtında peyda olğan vaqiasına cevap bergen. Arfe künü Halqara futbol federatsiyası, Ukraina haritasını RF ile işğal etilgen Qırımsız köstergen. TİN-de HFF-danFIFA - Halqara Futbol Federatsiyası halq ögünde afusını beklegenlerini bildirdiler.
Bunı X içtimaiy ağında öz saifesinde TİN vekili Georgiy Tıhıy yazğan.
"Tünevinki yayında halqara sıñırlarnı deñiştirip tek halqara qanunlarını körmemezlikke urıp areket etmediñiz ki, amma daa rusiye propagandası, arbiy cinayetler ve Ukrainağa qarşı cinaiy tecavuzına qol tuttıñız", – qayd etti Georgiy Tıhıy.
Daa TİN, öz tarafından HFF-nıñ hatasını tüzetkeni ve federatsiyasından halq ögünde afusını beklegenini dep qoştı.
Aynı zamanda Ukraina futbol assotsiatsiyası, HFF baş kâtibi Matias Grafström ve AFABUEFA – Union of European Football Associations baş kâtibi Teodor Teodoridisniñ adresine mektübini yazğan. Anda teşkilâtçılarnen yapılğan hatalarnıñ olmamazlığı aqqında bildirdiler.
"Qayd etilgeni kibi, HFF-nen bütün dünyada büyük millionlıq kütlesine dünyaara yayınlavı vaqtında resmiy tarzda taqdim etilgen Ukrainanıñ haritalı resiminiñ bugünki versiyası, qabul etilmez ve 21 asırda Avropanıñ merkezinde Rusiyenen Ukrainağa qarşı başlanılğan sürekli mahv etici ve basqıcı cenkine köre, yuqarıda müim olğan meselesine dair HFF ve AFAB-niñ mantıqsız mevamı kibi körüne", – denile mektüpte.
Hatırlatayıq ki, ilk qış aynıñ 13 Tsürihteki HFF-nıñ dairesinde çempionatta iştirak eticek olğan taqımlar içün kündeşlerniñ seçüvi keçken edi. Ayrıca, jerepçilik vaqtında teşkilâtçılar seyircilerge ihtisasnıñ ötkerilüv reglamentini köstermege qarar berip Ukrainanıñ resimini RF-nen işğal etilgen Qırımsız alıp çıqarğanlar. Böyleliknen, bir biriniñ qarşına çıqıp olamağan angi taqımlar olğanını köstermege istey ediler, ayrıca Ukraina ve Aqrusiye kibi.
Telegram, WhatsApp ve Facebookta Suspilne Qırım haberlerine abune oluñız
