Rusiye qurtarıcılar yaramay avası sebebinden Taman limanından (RF-nıñ Krasnodar diyarı) 80 metrde saylıqqa tüşken "Vologneft 239" tankerniñ ekipaj azalarnı qurtarıp olamaylar. Gemi kenarında 14 deñizci ve yermay maddeleri qala.
Bunıñ aqqında ilk qış aynıñ 15 Rusiye FVH matbuat hızmeti bildire.
"Volognafta 239" tankerdeki ekipajnıñ evakuatsiyası, yaramay avası sebebinden toqtatılğan. Gemide ilk nevbette temin etüvi içün kerek olğan er şey bar. Yardım etüvi içün quvetler ve vastalar azır", – denile beyanatta.
Keriç boğazında qazası aqqında belli olğanı
- İlk qış aynıñ 15 Keriç boğazı yanında "Vologneft 212" ve "Vologneft 239" eki rusiye gemisi batmağa başlağan. Bir geminiñ kenarında ekipajnıñ 13 azası bulunğan edi, başqasınıñ kenarında ise – 14.
- Evelden, vaqia sebebi furtuna veye yaramay avası içün tankerlerniñ bozuluvı olğan. İlk qış aynıñ 15 qadar işğal etilgen Qırımda şiddetli yel sebebinden furtuna ihtarını bildirdiler.
- Qaza neticesinde ekipajnıñ bir azası elâk olğan. Başqaları artqaç suvumasınen hastahanege yatqızdırılğanlar.
- Eki rusiye tankeriniñ qazası, mazutnıñ 4 biñden ziyade tonnasınıñ tokülüvine alıp ketirgen. Greenpeace iddia etkeni kibi, o, ekologiya içün ciddiy aqibetlerini peyda ettirebile.
- Qaradeñiz strategik tedqiqtlar institutınıñ reberi Andrey Klimenko qayd etkeni kibi, gemiler deñizge çıqmağa azır degiller, çünki özen soylarından, em de eski olalar – 1951 ve 1955 çıqış yılları.
Читати ще
Telegram, WhatsApp ve Facebookta Suspilne Qırım haberlerine abune oluñız
