"Sarı şerit" cemaat muqavemet areketiniñ faalcileri işğal etilgen Qırımda daa bir aktsiyanı keçirdiler. Yarımadanıñ pek çoq şeerinde muqavemetniñ devam etkenini köstergen yañı levhalar ve yazılar peyda oldı.
Muqavemet areketi öz Telegram kanalında bunı yazdı.
O qayd etti ki, yañı timsaller Yalta, Yevpatoriya (Kezlev), Simferopol (Aqmescit) ve Sevastopol (Aqyar) şeerlerinde peyda oldı.
"Vaqtınca işğal etilgen Qırımnıñ şeerleriniñ soqaqlarında muqavemet timsalleriniñ sayısı arta. "Sarı şerit" areketiniñ faalcileri sarı şeritlerni bağlap, el yapma vatanperverlik levhalarını tarqattılar. Biz işğalge razı olmadıq ve Ukrainanıñ işğalden azat etilmesine qadar küreşimizni devam etecekmiz", - dep bildirildi.
Telegram, WhatsApp ve Facebookta Suspilne Qırım haberlerine abune oluñız
