İlk qış ayınıñ 6. sabası Rusiye Qara deñizge bir gemisini arbiy hızmetke yolladı, o "Kalibr" qanatlı raketasınıñ taşıyıcısıdır. Azaq deñizinde işğalcilerniñ gemileri qayd etilmedi.
Ukraina Arbiy-deñiz quvetleriniñ matbuat hızmeti Telegramda bunı bildirdi.
Aq deñizde bir duşman gemisi bar, o umumen 16 "Kalibr" qanatlı raketasınıñ taşıyıcısıdır.
Bundan ğayrı, keçken künü Rusiye Federatsiyasınıñ menfaatları içün Keriç boğazından Azaq deñizine 7 gemi keçti, olardan 2-si İstanbul boğazına areket etti. Qara deñizge ise üç gemi keçip, olardan 1-i İstanbul boğazına areket etti.
"Rusiye, avtomatik identifikatsiya sistemasını (AIS) söndürerek, 1974 senesiniñ Deñizde insan ayatınıñ qoruvı aqqında halqara şartnamesini (SOLAS) bozmağa devam ete", — dep qayd etildi.
Telegram, WhatsApp ve Facebookta Suspilne Qırım haberlerine abune oluñız
