Qırımnıñ vaqtınca işğal etilgen Simferopol (Aqmescit), Yalta ve Aluşta şeerlerinde "Sarı şerit" cemaat areketiniñ iştirakçileri yañı aktsiyalarnı teşkil ettiler.
"Sarı şerit" faalcileri ilk qış ayınıñ 5-nde bu aqqında haber ettiler.
Ukrain kimligi oğrunda küreşniñ timsalleri - incelerden örülgen bayraqlar, sarı şeritler ve vatanperverlik stikerleri - "Qırım kooperativ institutı"nıñ bölükleri yanında, Bita1 mikrorayonında ve Yalta yalısında peyda oldı.
"Ukraina bayraqları ve öz başına yapılğan bayraqlar şimdi vaqtınca işğal etilgen Qırım şeerleriniñ yataqhanelerini, dağlarnı ve qoruqlarnı yaraştıralar", - dep faalciler bildirdiler.
Hatırlatamız ki, Bütünukrain referendumınıñ 33 yıllığına "Sarı şerit" cemaat areketiniñ faalcileri büyük aktsiya keçirdiler. "Ukraina yekâne - 603, 7 biñ km2" yazısınen levhalar, hususan, Simferopol (Aqmescit), Sevastopol (Aqyar) ve Yevpatoriya (Kezlev) şeerlerinde tarqatıldı.
Telegram, WhatsApp ve Facebookta Suspilne Qırım haberlerine abune oluñız