Qırımnıñ işğalli Yuqarı makemesi 45 yaşındaki Keriç sakinini "devlet hainligi"RFnıñ CQniñ 274-nci maddesi içün sert rejimli müstemlekede 15 senege, 1 sene ve 6 aylıq kelecek sıñırlamağa üküm etti. Adam, sanki Ukraina havfsızlıq hızmetinen işbirligi yapqan.
Qırımdaki Rusiye prokurorlığınıñ işğalli idaresi ilk qış ayınıñ 4-nde Telegram kanalında bunı bildirdi.
"Makemede belli olğanı kibi, adam Ukraina havfsızlıq hızmetiniñ temsilcisine işbirlikni teklif etti. 2023 senesi berim ayında, messencerlerden birini qullanıp, Keriçte Rusiye Federatsiyası Silâlı quvetleriniñ ava mudafaası vastalarınıñ yerleşüv yerleriniñ coğrafik koordinatlarınen videolarnı yolladı", — dep bildirildi.
İşğalli nazirlikniñ malümatına köre, berilgen malümat Rusiye ordusınıñ yerleşkeni yerlerge ücüm etmek içün qullanıla bilir.
Hatırlatamız ki, orta küz ayında Qırım uquq qorçalayıcı gruppasınıñ idare reisi Olğa Skrıpnık bildirdi ki, işğalciler Qırımda eñ azından 50 Ukraina vatandaşına qarşı "devlet hainligi" ve "casuslıq" sebebinden cinaiy davalarnı açtılar. 2024 senesi ukrainlerni taqip etüv tendentsiyası arttı.
Telegram, WhatsApp ve Facebookta Suspilne Qırım haberlerine abune oluñız
