Перейти до основного змісту
Zelenskıy: Qırımnı qaytarmaq içün küçümiz yetmey, diplomatik yollarnı qıdırmağa devam etemiz

Zelenskıy: Qırımnı qaytarmaq içün küçümiz yetmey, diplomatik yollarnı qıdırmağa devam etemiz

Küçler yeterli olmağanı içün Qırımnıñ qaytarıluvı şimdilik arbiy yolnen imkânsız, lâkin yarımadanıñ işğalden azat etilmesi diplomatik yollarnen yapıla bilir. Ukraina, devamlı telükesizlikni temin etmek ve Rusiye tarafından yañı istilâğa yol bermemek içün öz mevamını pekitmeli.

Ukraina prezidenti Volodımır Zelenskıy Kyodo News intervyusında bunı ayttı.

"Ukrainanıñ küçlü bir mevamında bulunmasını ve diplomatik çezilüvge başlamasını temin etmek kerekmiz. Qırımnı qaytarmaq içün küçümiz yetmey. Ebet, diplomatik yollarnı tapmaq kerek, amma tek Rusiye istilâcılıqnen qaytmaycağını bilecegimizden soñ", — dedi prezident.

Zelenskıy qayd etti ki, Ukraina erte ya da keç Rusiye tarafından işğal etilgen topraqlarnı, şu cümleden Qırımnı, qaytarır.

"Lâkin Putin bilmeli ki, biz bütün topraqlarımıznı qaytaracaqmız. Diplomatik yolnen qaytmaq daa yahşıdır, çünki bu qurbanlarnı eksilte. Amma Qırım tek bizler içün degil, bütün dünya içün strategiktir. Qırımnı nezaret etken Qara deñizdeki telükesizlikni de nezaret ete", — dep qoştı o.

Telegram, WhatsApp ve Facebookta Suspilne Qırım haberlerine abune oluñız

Топ дня
Вибір редакції
На початок