Rusiye işğalcileri tarafından 9 senege maküm etilgen qırımtatar Nasrullah Seydaliyev Rusiyeniñ Krasnodar ülkesindeki Minusinsk apishanesiniñ ağır şaraitinde tutula. Adamnıñ sağlığı bayağı fenalaştı.
Qırımtatar Maaliy Merkezine siyasiy mabüsniñ tuvğanları bunı bildirdiler.
Olarnıñ aytqanına köre, aqay ağırlığınıñ yarısını ğayıp etti. Buña siyasiy mabüsniñ apishanede berilgen aşnı aşap olamağanı da tesir ete. Bazıda künde tek bir kere aşay.
Bundan soñ Seydaliyevniñ ciddiy sağlıq meseleleri peyda oldı. Onıñ qan basımı yükseldi ve ağır varikoz hastalığı bar, ayaqları şişti. Yerli ekimler oña belli olmağan bir ilâcnı bereler, o ise, ağrılarını azaltmaq içün içmege mecbur.
"Aman-aman er ay bir mektüp kele, mektüplerde, adetince, haberlerimiz, sağlığımız aqqında soray, ayrıca, apishaneniñ şaraiti normal olğanını aytalar. Onıñ "ava vaziyeti" aqqında yazğanı mektüpleri sıq teşkerilgen soñ saqlanıp qala", – dep adamnıñ tuvğanları añlattılar.
O şunı da qoştı ki, olarğa yılda tek bir posılka ve bir banderol yollamağa izin berile. Aynı apishanede, adamnıñ şaraiti çeşit ola edi: 14 adamğa qadar artqa tolu çoq adamlı odalardan başlap, tek kişilik tevqifke qadar. Aftada bir kere o, soy-soplarından kelgen parağa bir şey ala bile.
"Qattı tsenzura ve malümatnıñ sıñırlanğan irişimi sebebinden apishanelerniñ şaraiti aqqında tafsilâtlar belli degil. Qorantası, Nasrullah azat etilecek soñ, onıñ aqibetleri aqqında daa çoq bilmege ümüt ete. Siyasiy mabüslerniñ yaqınları 65 yaşındaki Nasrullahnı Ukrainağa qaytarmağa ümüt eteler, çünki bu yaşta Rusiye apishanelerinde er kün körgen işkencelerge dayanmaq qıyın", - dep yazdı Qırımtatar Maaliy Merkezi.
Telegram, WhatsApp ve Facebooka Suspilne Qırım haberlerine abune oluñız
