Merkeziy saylav eyyeti (MSE) prezidentniñ Qırım Muhtar Cumhuriyetindeki daimiy temsilcisi Tamil Taşevanı Ukraina halq mebusı olaraq sayladı. O, "Ğolos" siyasiy firqasından mebus mandatından vazgeçüv aqqında ariza bergen İvan Prımaçenkonıñ nevbetteki namzetidir.
Bunı Merkeziy saylav eyyetiniñ matbuat hızmeti bildirdi.
Qayd etildi ki, Merkeziy saylav eyyeti İvan Prımaçenkonıñ mabus mandatından vazgeçken arizasını baqtı ve onıñ vekâletlerini lâğu etti.
"O vaqıt Eyyet "Ğolos" siyasiy firqasınıñ saylav cedveline kirsetilgen nevbetteki namzetni, saylavlarda Ukraina halq mebusı olaraq saylanğan 26-ncı namzetni, Tamila Taşevanı tanıdı", - dep bildirdi Merkeziy saylav eyyeti.
İvan Prımaçenko 2024 senesi orta küz ayında vefat etken mebus Oleğ Makarovnıñ ölüminden soñ halq mebusı olaraq tanındı. Mebusnıñ vefatı - Merkeziy saylav eyyeti içün ölü adamnıñ Yuqarı Şurada vekâletlerini resmiy şekilde toqtatmaq içün sebep ola.
Amma Prımaçenko Yuqarı Şurada çalışmaqtan vazgeçti ve Prometheusniñ CEOsı olaraq qaldı.
Suspilne Qırım, şimdi prezidentniñ Qırımdaki Daimiy Temsilcisi vazifesini eda etken Tamila Taşevanıñ özüne muracaat etti. Amma haber yayınlanğanda, bu soravğa cevap berilmedi.
Tamila Taşev aqqında neler belli
Tamila Taşeva - ukrain ve qırımtatar devlet ve cemaat erbabı, "QırımSOS" cemaat teşkilâtınıñ tesisçisi. 2022 senesi çiçekniñ 25-nden başlap prezidentniñ Qırımdaki Daimiy temsilcisi vazifesini yapa. O, reintegratsiya siyasetiniñ azırlanması ve amelge keçirilmesinen oğraşa, em de Qırım işğalden azat etilecek soñ reintegratsiyasına azırlıq körgen qanun leyhalarına qol tuta.
Hususan, Taşeva Qırım Muhtar Cumhuriyeti ve Aqyar şeeriniñ işğalden azat etilüvi ve reintegratsiyası strategiyasınıñ işlep çıqarılmasında iştirak etti, em de Ukraina tamır halqlarınıñ statusına dair qanun, siyasiy sebeplernen taqip etilüv sebebinden azatlıqtan marum etilgen şahıslar, vatandaş reineleri ve arbiy esirler aqqında qanun ve qırımlılar içün rezident olmağan statusnıñ lâğu etilmesiniñ azırlanmasında iştirak etti.
Bundan da ğayrı, o, qırımtatar tiliniñ inkişaf kontseptsiyasına qoşuldı ve Qırım platformasınıñ tesis sammitiniñ teşkil etilmesinde iştirak etti.
Telegram, WhatsApp ve Facebookta Suspilne Qırım haberlerine abune oluñız
