2013 senesi boş aynıñ 22 Qırım, Avropa meydandaki vaqialarına qatnağan. Aqmescit, Aqyar, Yalta, Kezlev ve başqa şeerlerde avropa bütünleşüviniñ destegine tedbirler başlanılğan. Büyük tedbirlerden biri, Aqmescitte "Avropameydan-Qırım" areketi peyda olğan yerde boş aynıñ 24 ötkerilgen.
Bunı Qırım MC-de Ukraina prezidentiniñ vekilligi bildire.
Areket idare eticileri İsmail İsmailov, Sergey Mokrenük, Sergey Kovalskiy ve Andrey Şçekun olğanlar. Avropalı tarafdarlığını köstergen tedbirler Aqmescit, Aqyar, Kezlev, Keriç ve Yaltada ötkerilgenler.
"Birinci tedbir, tasvir etebilgenimizden sayımız daa çoq olğanımıznı köstergen, em de aynı zamanda bizge qarşı muntazam sürette çetelden maliyeviy destegini alğan rusiye tarafdarlığını alğan quvetlernen beraber yerli devlet "maşnası" çalışqan edi. Dünyağa Qırım — Ukrainadır dep kösterdik", — tarif etti Andrey Şçekun, Avropa maydanına destek olaraq qırım tedbirlerniñ teşkilâtçılarından biri.
İlk qış aynıñ 10 qırımtatar halqnıñ meclisi, Aqmescitte mitingni azırlağan. "Ukraina — Avropadır", "Banda yoq olıp ketsin!", "Vetan! Millet! Meclis!", — bu şiarlar Ukrainanıñ avropalı kursnıñ destegine çıqışta bulunğan 1,5 biñden ziyade iştirakçısı arasında eşitilgen ediler. 2014 senesiniñ başında Qırım faalleri numayışlarnıñ idare etüvi içün ukrainara "Maydan" birleşmesiniñ teşkilâtını peyda ettiler.
"2013-2014 senelerde Qırım, Ukrainanıñ başqa vilâyetlerden farqlanmay edi. Bizde de Avropa maydanınıñ şiarları astında, Yanukoviç ve onıñ siyasetine qarşı numayış tedbirleri bar edi. Feodosiya, Keriç, Canköy, Armânsk, Aqyar, Yalta, Aqmescit – tedbirlerniñ sayısı çoq edi. O vaqıt ayrı insanlar, ayrıca akimiyet, milis, prokuraturadaki soylardan destegini duydıq. Amma bunen beraber büyük bir basqısı da bar edi. O, bir merkezinden, yani rusiyeliler ile idare etilgenini añlay edik", – hatırlay Sergey Mokrenük, faal ve Qırımda numayış tedbirleriniñ teşkilâtçısı, USQ-niñ arbiy hızmetçisi.
2014 senesi uvut aynıñ 26 biñlerce qırımlı Ukraina terkibinden yarımadanıñ çıquvı aqqında meselesiniñ baqılmasına evelden yol bermemek içün toplağanlar. Lâkin uvut aynıñ 27 rusiye arbiyleri işğalni başlap esas binalarnı zapt etkenler.
Qırım MC-de Ukraina prezidentiniñ vekilligi yazğanı kibi, bu vaqialar Qırımda öz aqlar, mustaqillik ve Ukrainanıñ bütünligi oğrunda küreşken insanlar bar olğanını qayd etkenler. Tedbir iştirakçiler öz mevamını imaye etip, numayışlarnı azırlap ülkeniñ başqa qısmınen aynı mevamda olğanını köstergen ediler.
Telegram, WhatsApp ve Facebookta Suspilne Qırım haberlerine abune oluñız
