"Sarı şerit" cemaat tirenüv areketi, afta içinde işğal etilgen Qırımda işğalğa tirenüv timsali olaraq 100 ziyade şerit ve yapıştırıcısını tarqatqan. Ayrıca, ukrain tarafdarlığını köstergen tedbirni QMC Yuqarı Şurasınıñ binası ve Aqmescitteki 43'ci mektebiniñ yanında ötkerildiler.
Bunı areket, boş aynıñ 24 öz Telegram kanalında bildirgen.
"Umumen afta içinde 100 ziyade şerit ve yapıştırıcısını tarqatılğan edi. O, tirenüvniñ arttuvı aqqında ayta: kün künden arta, er faali ile, er yañı tirenüv tedbiri ile ve Ukrainanıñ bütün vaqtınca işğal etilgen territoriyalarnıñ serbest etüvine qadar sürecek", — denile beyanatta.
Hatırlatayıq ki, boş aynıñ 21 İtibar ve serbestlik kününde "Sarı şerit" cemaat tirenüv areketi, ukrainlerni Qırımnen beraber vaqtınca işğal etilgen territoriyalardaki sakinleriniñ destegine fleşmobnı azırlamağa çağırğan. Tedbirge ukrain ressamlar, yıldızlar, uquq qoruyıcılar, studentler, ekimler ve ocalar qoşulğanlar.
Evelden "Sarı şerit" areketiniñ faalleri Qırımnen beraber işğal etilgen territoriyalardaki sakinler içün stress şaraitlerde ruh sağlığınıñ tutuvı içün üç ruhiyat tehnikasını paylaşqan.
Bundan da ğayrı, bu areket, "Dovidka.info" leyhasınen beraber Qırımnen beraber VİT sakinleri içün "Ukrainadasıñ" bedava VPN'nen servisni ve mahsus brauzerni işlep çıqarğanlar. O, ukrain saytlar ve haberlerni telükesiz seyir etmege izin berer.
Telegram, WhatsApp ve Facebookta Suspilne Qırım haberlerine abune oluñız
