Ukrainanıñ işğal etilgen territoriyalarnı, ayrıca Qırımnı qaytarmağa pek müim, yoqsa aqiqiy ğalebeni qazanıp olamamız. İşğal şaraitlerde bulunğan vatandaşlarımızğa qol tutıp rusiye propagandasınen yazdırılğan etraf müitinden ayırıluvına qarşı çıqmağa müim.
Bunı qırımtatar siyasetçi, oca, siyasetşınas ve jurnalist, qırımtatar halqnıñ Meclis baş muavini Nariman Celâl, Kiyevde 2024 media künler içinde ilân etken.
"Esasen pragmatik bir insanım. Maña yazdırılğan 17 yılnı oturıp keçirmege azır olğanım kibi, er bir çağıruvlarğa azırım. Tek territoriyalarımıznıñ qaytaruvı oğrunda küreşmege toqtamağa azır degilim", — qayd etti Nariman Celâl, Qırım ve Ukrainanıñ işğal etilgen başqa topraqları oğrunda küreşinde boysunmamazlığı aqqında tarif eterek.
Onıñ sözlerine köre, işğalnıñ qabul etüvi olumsız. Qayd etkeni kibi, ateşiñ toqtatuvınıñ ve razılaşmanıñ tek qısqa vaqıt içinde olması mümkün, amma strategik maqsadı deñişmez olıp qala — bütün territoriyalarnıñ tam olaraq serbest etüvidir.
"O, Qırımsız Ukraina olmaz dep añlamağa yardım etken mantığıdır. Mesele, territoriyalarda degil — insanlardadır. Vatandaşlarımıznı basqılarğa oğratıp, taqip etip, öldürip apis etken vaziyette olarnı terk etmege qarar bersek, kim olamız", — qayd etti Celâl.
Nariman, işğal etilgen territoriyalardaki vatandaşlar içün ne içün qol tutmağa müim olğanını añlattı.
"Olarğa başqa malümatnı beriñiz. Olarnı etraf müitinden ayırılmağa Rusiyeniñ niyetine qarşı çıqmağa tırışıñız. İşğalde sağ mantığını saqlap olğan er bir insan - bizim insanımızdır", - dep qoştı Celâl.
Telegram, WhatsApp ve Facebookta Suspilne Qırım haberlerine abune oluñız
