İşğal etilgen Qırımda "Armançıq" qırımtatar bala mecmuasınıñ baş muarriri, 61 yaşındaki Ediye Muslimova ğayıp oldı. Onıñ şahsiy telefonı söndürilgen. Boş aynıñ 21-nden berli o bağnı kimse qurmay. Tuvğanları politske muracaat etip, onı qıdırmağa başladılar.
Boş aynıñ 22-nde "Qırım birdemligi" cemaat teşkilâtına onıñ qardaşınıñ qızı Elzara Muslimova bunı bildirdi.
Soñki sefer o, Muslimovanen boş aynıñ 21-nde saat 11:00de laf etken edi.
"Biz onıñnen laf ettik ve o, şimdi ev işlerini bitirmek kerek olğanını ayttı ve Aqmescitten Kıyivska soqağından Sudaq şeerine doğru, Qoz köyüne, öz anasına ketkenini ayttı", — dedi qardaşınıñ qızı.
Onıñ aytqanına köre, Ediye Muslimovanıñ anası 91 yaşında. O, qızı ve başqalardan yardımğa muhtac. Yaş qadınnıñ birinci dereceli saqatlığı bar. Saat 18:00de o, Elzarğa telefon etti ve Ediye alâ daa yoq, dep ayttı.
"Qartanam oña endi saat 16:00dan berli telefon açamağan edi. Saat 15:00te bile oña qardaşınıñ qızı telefon etti, amma onıñ endi bağı yoq edi. Men telefon etmege başladım. Onıñ eki telefonı bar (iş telefonı ve adiy şahsiy), eki telefonı söndürilgen. İç bir bağ yoq: ne Telegram, ne WhatsApp, ne Viber vastasınen bağlap oldım", — dep qoştı qardaşınıñ qızı.
Elzara Muslimova endi "polis"ke muracaat etti, em de Qırım ve FSB "prokurorlığı"na muracaat azırlay. Ediyeniñ maşinası alâ daa evniñ yanında tura.
Tasdıqlanmağan malümatqa köre, onı FSB hadimleri tuttılar. Qırımtatar qadınnıñ evi yanında beyaz "Gazel" forgonı ve jurnalistni oña üç adam mindirgenini körmek mümkün edi.
Qırımtatar Milliy Meclisiniñ reisiniñ birinci muavini, sabıq siyasiy mabüs Nariman Celâl Suspilne Qırımğa bildirdi.
"Armançıq" — qırımtatar tilinde yekâne bala mecmuasıdır. O, 2011 senesinden berli yazılmaqta ve er ay çıqa.
"Men öz tecribemden ayta bilem ki, beyaz "Gazel"lerni FSB hadimleri qullanalar. Tutulğanlarnı, apiske alınğanlarnı ve ilâhre FSBge ya da FSBden makemelerge ya da başqa müessiselerge alıp ketken eski furgonlardır. Bu tek tahmin, amma ğaliba, büyük bir ihtimal bar", — dep qayd etti sabıq siyasiy mabüs.
Uquq qorçalayıcı Lütfiye Zudiyevanıñ öz menbalarından alınğan malümatına köre, Ediye Muslimovanı beyaz "Gazel" maşnasına üç belgisiz adam mindirgen.
"Bu, tünevin, boş aynıñ 21-nde, evniñ yanında turğan maşnanıñ yanında oldı", — dep yazdı o.
Aynı vaqıtta Meclisniñ reisi Refat Çubarov, onı "Qırımda Rusiye FSBniñ binasında tutalar", dep qayd etti.
Ediye Muslimova aqqında ne bilemiz
Nariman Celâl, Suspilne Qırımğa aytqanı kibi, Muslimova maarif, neşriyat faaliyetinen de oğraşa ve "qırımtatar medeniyetiniñ, hususan bala edebiyatınıñ inkişafı içün daima çalışqan edi". O, onı "qırımtatar ziyalılarınıñ belli temsilcisi" dep adlandırdı.
"O, iç bir vaqıt açıq siyasetnen oğraşmadı, amma daima şu qadar añlı, faal, qırımtatar edi. Öz cemaat, grajdanlıq nazar noqtası, siyasiy nazar noqtası bar edi, amma, yazıq ki, bugün Qırımda onı ifade etmek mümkün degil", — dep tarif etti Meclisniñ reisiniñ birinci muavini.
Aynı zamanda "Armançıq" qırımtatar bala mecmuası, onıñ baş muarriri Muslimova ola, çeşit yaştaki balalar içün em bilgi, em de eglencenen bağlı pek çoq meraqlı malümat bar. Hususan, çizgi romanlar, şiirler ve masallar.
"Şimdi böyle bir publitsistik materialnı yazıp çıqarmaq pek qıyın, amma o, bunı endi bir qaç yıl devamında yapa edi ve böyle küçük taqımınen devam ete edi", — dep qoştı Celâl.
Telegram, WhatsApp ve Facebookta Suspilne Qırım haberlerine abune oluñız
