Ukrainanıñ vaqtınca işğal etilgen topraqlarında muqavemet areketiniñ aktsiyası olıp keçti. Aqyar, Kefe, Semenivka, Kezlev, Şçolkine, Yenakiyevo ve başqa şeerlerde Ukraina Mudafaa nazirliginiñ Baş istihbarat idaresiniñ timsallerinen levhalar peyda oldı.
Boş aynıñ 19-nda Ukraina Mudafaa nazirliginiñ Baş istihbarat idaresi Telegramda bunı bildirdi.
"Bu, işğalcilerge nevbetteki bir köstergiç — Ukraina vatandaşları işğalde areket ettiler ve areket etecek, çünki öz toprağında yañlış yaşağan ecnebiylerni iç bir vaqıt qabul etmeycekler", — dep bildirildi.
Bİİ qayd etti ki, işğalciler ve olarnıñ tarafdarları Ukraina ve vatandaşlarına qarşı yapılğan cinayetler içün mesüliyetke çekilmeliler.
Telegram, WhatsApp ve Facebookta Suspilne Qırım haberlerine abune oluñız
