Uquq qorçalayıcılar 2024 senesi orta küz ayında işğal etilgen Qırımda 17 qanunsız tevqifni qayd ettiler, aman-aman yarısı — qırımtatarlarnen bağlı edi.
Qırımtatar Maaliy Merkeziniñ işğal etilgen Qırımda insan aqlarınıñ bozuluvınen bağlı talilinde bu malümat qayd etildi.
Uquq qorçalayıcılarnıñ malümatına köre, 2024 senesi orta küz ayında 1 ev tintildi, 9 insan yaqalandı/tutuldı ve 9 insan sorğu, sorav ve "subet"ke çağırıldı, dep qayd etildi.
2024 senesi orta küz ayında işğal etilgen Qırımda insan aqlarınıñ bozuluvınıñ talili. КРЦ
"2024 senesi orta küz ayında 17 tevqif adisesi qayd etildi, olardan 8-i — tamır qırımtatar halqınıñ vekillerine qarşı", — dep qayd etti QMM.
Bundan ğayrı, adaletli makeme aqqınıñ bozuluvı 19 kere qayd etildi, 10-u — qırımtatarlarğa qarşı.
Telegram, WhatsApp ve Facebookta Suspilne Qırım haberlerine abune oluñız
