Dmıtro Lubinets işğal etilgen Qırımda "Qırım birdemligi" advokatları Rustem Kâmilev ve Lilâ Gemeciniñ "teşkerüvi" ve apiske alınmasını insan aqlarınıñ bozuluvı dep tanıdı. Tintüvler vaqtında şahsiy eşyaları, tehnika, iş vesiqaları ve başqa şeyleri tutıp alındı.
Boş aynıñ 8-nde Ukraina ombudsmanı bunı Telegramda yazdı.
Tintüvlerden soñ Rustem Kâmilevni Aqmescitteki "qaşırıcılıqqqa qaşrılıq merkezi"ne alıp kettiler, anda eki memuriy protokol tizdiler. Olardan biri 2020 senesi repost sebebinden tizildi. Bu post ukrain faalcisi ve siyasiy mabüsi Oleh Prıhodko aqqında edi. Fotoresimde Prıhodko, ukrain bayrağı ve tamğasınen levhanı tuta.
Protokollar tizilgen soñ, Kâmilev işğalli makemege yollanıldı, anda 10 künge apiske alındı ve 50 biñ ruble (15 biñ ğrıvnâ) para cezasını aldı. Bundan soñ onı vaqtınca tutuv izolâtorına qapattılar.
Lubinets böyle qabaatlavlarnı saçmalıq dep adlandırdı. O qoştı ki, şimdi bu, Qırım sakinleriniñ kerçekligidir.
Telegram, WhatsApp ve Facebookta Suspilne Qırım haberlerine abune oluñız
