İşğal etilgen Qırımda Keriç gemi tamir zavodınıñ yüzer qutusında mayısnıñ 30-nda Ukraina Silâlı quvetleriniñ ücümine oğrağan "Avangard" demiryol paromı köründi. O vaqıt dört "Tunets" türlü Rusiye arbiy-deñiz gemisi zarar kördi.
Boş aynıñ 6-nda"Qırım.Aqiqat" mühbiri bunı bildirdi.
Onıñ aytqanına köre, beş ay evelsi olğan ukrain ücüminden soñ "Avangard" Keriçteki gemi tamir zavodınıñ toprağında bulunmağa devam ete. Onıñ korpusı paromdan köterilip, yalıdan körüne.
Hatırlatamız ki, işğal etilgen Qırım Naqliyat nazirliginiñ "başı" Mıkola Lukaşenko, Ukraina Silâlı quvetleriniñ ücümi neticesinde eki parom tüşürilgen raketalarnıñ parçalarından zarar kördi, bundan soñ paromlarnıñ üst yapıları zarar kördi, dep iddia etti.
Aynı zamanda Mudafaa nazirliginiñ Baş istihbarat idaresiniñ temsilcisi Andriy Yusov bildirdi ki, işğalcilerniñ tehnikası boyunca böyle "semereli ateşler" Mudafaa nazirliginiñ Baş istihbarat idaresiniñ mahsus bölükleri taqımınıñ ihtisaslı işiniñ neticesi ola.
Hatırlatamız ki, Bİİniñ qayd etkenine köre, Ukraina deñiz dronlarını yoq etmek maqsadınen, Qırımda Rusiyeniñ işğalcileri 32 kere Su-27/30/35, MiG-29, Be-12, An-26 uçaqlarını ve Ka-27/29 ve Mi-8 vertolötlarını uçurğan ediler. Rusiye askerleri 30 mm top ve ateş silâsını haotik şekilde qullanğanlarını bildireler.
Telegram, WhatsApp ve Facebookta Suspilne Qırım haberlerine abune oluñız
