Bİİniñ operatsıyası neticesinde işğal etilgen Qırımda "Tunets" türlü eki rus kateri yoq etildi

Bİİniñ operatsıyası neticesinde işğal etilgen Qırımda "Tunets" türlü eki rus kateri yoq etildi

Оновлено
"Tunets" türlü kater
"Tunets" türlü kater. Міністерство оборони РФ

Mayıs ayınıñ 30. gecesi işğal etilgen Qırımda eki rus kateri yoq etildi. Ukraina Havfsızlıq ve mudafaa quvetleri bildirdiler ki, olar "Tunets" türlü ediler.

Suspilne Qırımnıñ Ukraina Havfsızlıq ve mudafaa quvetlerindeki subetçisi bu aqqında haber berdi.

"Bizim menbalarımıznıñ yañı bilgilerine köre, belki "Tunets" türlü eki kater yoq etildi", — menbalar bildirdiler.

Ukraina Baş İstihbarat İdaresi, eki rus kateriniñ yoq etilgenini tasdıqladı.

"2024 senesi mayıs ayınıñ 30. künü Magura V5 ukrain ücüm deñiz dronları vastasınen Ukraina MNniñ Bİİniñ "Group 13" mahsus bölügi, vaqtınca işğal etilgen Qırımda tecavuzcı Rusiyeniñ gemiler-kater tetkibine muvafaqiyetli şekilde ateş açtı", — bildirildi.

Bİİ qayd etti ki, ukrain ücüm deñiz dronlarını yoq etmek içün Qırımdaki Tar körfez yanında rus işğalcileri, 31 kere uçaqlarını avağa köterdiler: Su-27/30/35, MiG-29, Be-12, An-26 uçaqları ve Кa-27/29 ve Mі-8 helikopterleri

Haber berdiler ki, rus askerleri haotik şekilde tüfek silâsı ve 30-mm top aletlerini qullandılar.

"Buña baqmadan Ukraina MNniñ Bİİniñ mahsus askerlerine arbiy vazifesini muvafaqiyetnen yerine ketire bildiler: ücüm neticesinde Rusiyeniñ eki kateri yoq etildi — ilk bilgilerge köre, "Tunets" türlü naqliyat-desant KS-701", — Bİİ bildirdi.

Telegram ve Facebookta Suspilne Qırım haberlerine abune oluñız

На початок