"Ateş" arbiy-partizan areketi bildirdi ki, Aqyardan 810 arbiy deñiz piyade brigadası Kursk vilâyetine ketmemek içün para ala. Sürekli ğayıplar aqqında haberler, olarnıñ maneviy vaziyetini tüşürdi.
Arbiy-vatanperver areketiniñ Telegram kanalında bu aqqında haber berildi.
O qayd etti ki, qısımğa aman-aman er kün Kursk vilâyetinde yañı ğayıplar aqqında haberler kele. Aynı vaqıtta brigada komandanlığı askerlerniñ ölümi faktlarını gizlemege tırışa, amma bunı yapıp olamay.
"Arbiy bölükler, arqadaşları devamlı ğayıp olğanları sebebinden, alçaq ahlâqiy vaziyetinde bulunalar ve Qırımda qalmağa tırışalar. Bu sebepten komandanlar, cenk areketleri boşluğına acele yollanılmaması içün, öz altındaki adamlardan para talap eteler", — dep bildirildi.
Partizanlar qoştılar ki, "mobilizatsiyadan paranen qaçmaq" ve bazasında qalğan işğalciler faaliyet körseteler: maskalı qamaçavlarnı quralar, tehnikanı bir yerden başqa yerge avuştıralar.
"Amma Ukraina Mudafaa quvetleriniñ sürprizlerinden çoq qorqalar, olar yaqın vaqıtta olacaq", — dep qoştılar partizan areketiniñ vekilleri.
Telegram, WhatsApp ve Facebookta Suspilne Qırım haberlerine abune oluñız
