Ukraina prezidenti Volodımır Zelenskıy, üçünci Parlament sammitiniñ salonında devlet bayraqlarınıñ sayısı, Rusiye 2014 senesinden berli Qırım işğali kibi halqara cinayetni dünya içün qabul etilemez yapıp, muvafaqiyetsiz olğanını köstere, dep bildirdi.
Orta küz ayınıñ 24-nde Rığa şeerinde keçken Qırım platformasınıñ üçünci parlament sammitinde bildirdi.
"Bu zalda devlet bayraqlarınıñ sayısı, 2014 senesinden berli Rusiye içün eñ müim olğan şeyde — Putinniñ halqara cinayetni halqlar içün bir norma olaraq qabul etmemesinde — muvafaqiyetsiz olğanını tasdıqlay. Qırımnıñ zapt etilmesinen Rusiyeniñ halqara uquq sistemasına ücümleri başladı, amma başqa halqnıñ toprağını hırsızlamaq, isyan etkenlerni sürgün etmek ve bütün milletniñ ayatını bozmaq — yani Rusiye yapqan er şey — halqara toplulıq tarafından iç bir vaqıt qabul etilmez", -—dep qayd etti Zelenskıy.
Hatırlatamız ki, Suspilne Qırım Qırım platformasınıñ üçünci parlament sammitiniñ esas beyanatlarını topladı.
Qırım platforması — Ukraina tarafından Qırım meselesini kün tertibine qaytarmaq, insan aqlarını qorçalamaq, yarımadanıñ işğalden azat etilmesine yardım etmek, Avropa ve global havfsızlıqnı pekitmek içün teşebbüs etilgen halqara idare mehanizmidir.
Telegram, WhatsApp ve Facebookta Suspilne Qırım haberlerine abune oluñız
