"Sarı şerit" vatandaş areketiniñ iştirakçileri işğal etilgen Qırımnıñ Aqmescit ve Yalta şeerinde nevbetteki ukrain tarafdarı aktsiyasını keçirdiler. Olar sarı şeritlerni ve Ukraina bayrağınıñ renklerinde yürek stikerlerini tarqattılar.
Orta küz ayınıñ 23-nde Telegram kanalında areket bunı bildirdi.
"Bütün telükelerge baqmadan, bizim adamlarımız Qırımda serbestlik ruhu canlı olğanını köstereler. Olar vazgeçmeyler, olarnıñ tirenüvi epimizge ümüt bere. Bu, epimiz toprağımız içün küreşte birdem olğanımıznı hatırlata", — dep bildirildi.
Hatırlatamız ki, daa evel "Sarı şerit" areketiniñ faalcileri işğal etilgen topraqlarnıñ, şu cümleden Qırımnıñ, sakinleri içün stresli şaraitte ruhiy sağlıqnı qorçalamaq içün üç ruhiy usulnı derc etken ediler.
Telegram, WhatsApp ve Facebookta Suspilne Qırım haberlerine abune oluñız
