Ukraina, bu yıl oraaq ayında Odesa vilâyetinde kapitanınen beraber tutulğan Kamerun bayrağı altında USKO MFU quruvantajını tutıp aldı. O, işğal etilgen Qırımnıñ limanlarına ticariy faaliyet içün qanunsız olaraq kirdi.
Ukraina Devlet sıñır hızmeti (UDSH) orta küz ayınıñ 9-nda Telegramda bunı bildirdi.
Makeme, gemini Ukraina devletiniñ mülkiyetine bermege qarar aldı.
"Onıñ kapitanı devlet menfaatlarına zarar ketirmek maqsadınen işğal etilgen topraqlarğa kirüv tertibini bozğanında qabaatlana, çünki Qırım ya da Azaq deñiziniñ limanlarında er angi operatsiyalar halqara qaidelerni ve Ukraina qanunlarını boza", — dep UDSH qoştı.
USKO MFU gemisi ve Ukrainanıñ limanında tutulması aqqında ne bilemiz
Ukraina Baş prokurorınıñ ofisi haber berdi ki, 2023 senesi orta küz ayında ecnebiy vatandaş Kamerun bayrağı astında USKO MFU gemisini aydap, Ukraina tarafından qapatılğan Aqyar deñiz ticaret limanına kirdi ve türkiye şirketi içün 3 tonnalıq agrar mahsulatını çıqardı.
Ukraina Cinayet qanunnamesiniñ 332-1 maddesiniñ 2. qısmına binaen, geminiñ kapitanına şübe bildirildi. Şuna köre, o 5 senege maküm etile bile.
2024 senesi щкфй ayında USKO MFU gemisi Odesa vilâyetiniñ Reni limanında tutulğan edi. O, apiske alındı ve APMA idaresine berildi. 2024 senesi bozarğan ayda Aqyar limanına kirgen ve çıqqan geminiñ başqa kapitanına da Ukraina Ceza qanunnamesiniñ 332-1 maddesiniñ 2-nci qısmına köre şübeli sayılğanını bildirdiler.
Havfsızlıq hızmetinde evel bildirgenlerine köre, 2023-2024 seneleri gemi defalarca Aqyar deñiz limanına kelgen edi, soñra ise Rusiyeniñ faydasına satmaq içün Şarqqa yükni alıp kete edi.
Qırım Muhtar Cumhuriyetindeki UHHniñ Baş idaresiniñ hadimi, geminiñ zapt etilmesinen bağlı mahsus operatsiyada Devlet sıñır hızmetiniñ deñiz qoruv bölüklerinen beraber iştirak etken edi, Suspilne Qırımğa aytqanı kibi, olar farqlı stsenariylerge azırlana ediler.
"Geminiñ Ukraina içki suvları olğan, yani Ukrainanıñ suveren toprağı olğan, Tuna özeninden keçmek kerek edi, onıñ içün onı yaqalamaq içün uquqiy ve kerçek imkânlar olacaq", — dep qayd etti o.
Hususan, gemi erkânı qanuniy toqtatuv talabını körmemezlikke urıp, Ukrainanıñ içki suvlarını terk etmege tırışa bilecegini tüşüne ediler. UHHniñ hadiminiñ aytqanına köre, taqip aqqında haber etilgen soñ, kapitan aynısını yapmağa tırışqan edi. Qaça bilmediler, gemini qorçalayıcılar toqtattılar, ekipajını ise tuttılar.
Telegram, WhatsApp ve Facebookta Suspilne Qırım haberlerine abune oluñız
