Orta küz ayınıñ 8-nde Türkiye ve Romaniya cemaat teşkilâtlarınıñ temsilcileri olğan qırımtatar diasporası Ukrainağa kelip, ukrain ve qırımtatar halqlarına cenk ve işğal şaraitinde qol tuttı.
Qırımtatar Milliy Meclisiniñ azası Gayana Yuksel Facebook saifesinde bunı bildirdi.
Delegatsiya arasında Türkiyeniñ qırımtatar teşkilâtları platformasınıñ reisi Ümit Şilitniñ yolbaşçılığında Dünya qırımtatar kongressiniñ azaları bar.
Ukrainağa ziyaretiniñ başında olar ukrain temsilcilerinen beraber qırımtatar halqınıñ genotsid fedalarınıñ hatırasını añdılar. Delegatsiyanıñ azaları Kıyivde qırımtatar halqınıñ genotsid fedalarınıñ hatırasına qoyulğan hatıra abidesi yanında çeçeklerni qoydılar.
Qırımtatar Milliy Meclisiniñ reisi Refat Çubarov Facebookta qayd etkenine köre, delegatsiyanıñ ziyaretiniñ programması azalarınıñ Ukraina devlet ve idare organlarınıñ reberliginen bir sıra resmiy körüşüvlerini közde tuta.
Saat 18:30 "Qırım evi" devlet medeniy alanında delegatsiya cemaatnen körüşecek.
Hatırlatamız ki, berim ayınıñ 11-nde Kıyivdeki Barış meydanında qırımtatar halqınıñ genotsid fedalarına bağışlanğan hatıra abidesi açıldı. Bu, merhum mimar İrfan Şemsedinovnıñ leyhasıdır. Mıkola Semıroğ-Orlıknıñ zemaneviy leyhasınıñ mimarı Suspilne Qırım içün onıñ nasıl qurulğanını ve bu abideniñ hususiy emiyeti aqqında tarif etti.
Qırımtatar halqınıñ sürgünligi
1944 senesi mayıs ayınıñ 18. künü küneş doğğanda qırımtatar halqını Qırımdan sürgün etmee başladılar. Devlet mudafaa eyyetiniñ "Qırımtatarlar aqqında" gizli emrine köre bütün halq hainlik ve duşmannen işdeşlikte qabaatlandı ve Qırımdan sürgün etmege maküm etildi. Afta devamında bu operatsiyağa azırlanğan ediler, 32 biñ NKVSçısı oña qatıldı.
Deyerli üç devrinde Qırımdan tahminen 200 biñ qırımtatar sürgün etildi. Yolda ve ğurbette ilk senelerde sürgün etilgenlerniñ 46%-i öldi.
Çoqusı allarda Orta Asiyadaki cumhuriyetlerge, şu cümleden Özbekistanğa insanlarnı alıp ketigenler. 10 biñ qırımtatar, cebeden Qırımğa qaytqan Qırmızı ordunıñ askeri de sürgün etildi. 12 sene devamında qırımtatarlarnıñ mahsus köçken statusı bar edi, vatandaş ve insan aqları ve azatlıqlarından marum etildi.
1989 senesi sürgün etilgenlerge Qırımğa qaytmağa resmen izin berdiler.
2015 senesi Yuqarı Şura, qırımtatar halqınıñ sürgünligini genotsid olaraq tanıdı.
Telegram, WhatsApp ve Facebookta Suspilne Qırım haberlerine abune oluñız
