Qırımda Rusiye işğalicleri tarafından qanunsız olaraq apiske alınğan ukrain vatandaş jurnalisti İrına Danılovıçnıñ sağlıq vaziyeti fenalaşa. Siyasi mabüs bir qulaqtan eşitme qabiliyetini coydı, mikroinsult keçirgen ve başı devamlı aylana.
Ukraina prezidentiniñ Qırım Muhtar Cumhuriyetindeki temsilciligi bunı bildirdi.
Qorantası, advokatları ve uquq qorçalayıcılarnıñ ğayretleri sayesinde İrınağa minimal tedaviylevni temin ettiler, amma bu, ağrığa qarşı küreşmege yardım etmey ve hastalıqnıñ ilerlevini yavaşlata.
Temsilcilikniñ bildirgenine köre, İrına ağır sağlıq vaziyeti ve babasınıñ yaqında vefat etkeni sebebinden duyğusal basqı altında buluna. Qadın acele tibbiy teşkerüv ve tedaviylenüvge muhtac, bularsız o sağ qalıp olamaz.
"Halqara toplulıqnı Rusiye Federatsiyasınıñ cinaiy areketlerine cevap bermesine ve halqara gumanitar uquqnıñ bütün qaidelerini körmemezlikke urğan istilâcı devletke basqını quvetleştirmesine çağıramız. İrına Danılovıçnıñ azat etilmesi içün bütün mevcut aletlerni qullanmağa çağıramız", — dep bildirdi Temsilcilik.Telegram, WhatsApp та Facebook
İrına Danılovıç aqqında ne bilemiz
Saban ayınıñ 29-ında vaqtınca işğal etilgen Qırımda işten evge qaytqanda İrına Danılovıç ğayıp oldı. Aynı kün Kefe yanında Oy Quyu köyündeki evi tintildi. Anda ana-babaları yaşağan ediler, evini tintkende işğal quvetçileri cep telefonı ve tehnikasını alıp çıqardılar.
Bir qaç ay devamında tibbiy yardım talap etken soñ saban ayınıñ 21-inde açlıq çekmege ilân etti — izolâtorda, ayrıca keçken sene üküm çıqarılğan soñ onıñ sağlığı pek zayıfladı.
Cinaiy davasınıñ bilgilerinen tanış olıp bitirmek içün qanunsız "Kefe şeer makemesi"ne ketkende Danılovıç bayıldı. Bundan ğayrı, azaplar sebebinden açlıq ilân eter.
Çiçek ayınıñ 6-sında jurnalist açlıq bitirdi, çünki onı teşkermek ve tedaviylemek içün onı Aqamescitteki SİZOdan hastahanege alıp ketirmege söz berdiler.
Bozarğan aynıñ 29-ında işğal etilgen Qırım Yuqarı makemesi içtimaiy jurnalist ve faalci İrına Danılovıçnıñ ükümini deñiştirdi. Bundan evel patlayıcı alet saqlağanı sebebinden yedi senege malüm etildi. Apellâtsiya makemesiniñ qararına köre ceza müddeti bir ayğa azladılar.
Keçken sene boş ayda bildirildi ki, Danılovıç sanitar olmağan şartlarda buluna ve ihtiyac duyğanına baqmadan onı tedaviylemeyler.
Telegram, WhatsApp ve Facebookta Suspilne Qırım haberlerine abune oluñız
