Ukrainada "Men seni diñleyim: işğal altındaki balalarğa qol tutamız" tedbiri olıp keçti. Farqlı vilâyetlerden kelgen 241 iştirakçi mektüp yarışında iştirak etip, işğal altındaki balalarnıñ meselerini añlattılar.
Bunı Suspilne Qırım mühbiri bildirdi.
Qayd etilgenine köre, yarışta Ukrainanıñ çeşit köşelerinden balalar iştirak ettiler. Üçünci yerni Yevheniy Gogin ve Sofiya Bazay aldılar. Ekinci yerde Karına Grızlük, birinci yerde ise Elızaveta Brijak oldı.
"Yarışta iştirak ettim, çünki zemaneviy meseleler aqqında ikâye etmege istedim: işğalcilik, işğalde yaşayış, hususan gençlernen bağlı. Mektübimni işğal etilgen topraqlardan endi ketken dostum Arina aqqında yazdım, amma daa çoq tafsilât bar, o daa aytıp olamay. O, eviniñ, ömür boyu yaşağan Rubıjne şeeriniñ viran etilgenini daa qabul etmedi", — dep tarif etti Karına Grızlük.
Yarış iştirakçisi Karına Grızlük. Суспільне Крим
"Almenda" vatandaşlıq maarif merkeziniñ malümatına köre, işğal altında 18 yaşına qadar 1,6 million bala buluna.
"Er bir kâğıt — böyle küçük bir kâinat. Bu mektüplerde o qadar destek ve añlayış bar. Men ümüt etem ki, biz bu ikâyelerni işğal etilgen topraqlarnıñ balalarına kerçekten eşitirmege yardım ete bilecekmiz. Ğaliplerniñ ve laureatlarnıñ mektüpleri cıyıntıqqa kirsetilsin, soñra olarnen maarifliler çalışa bileler", dep qayd etti "Almenda" vatandaş maarif merkeziniñ vekili.
Hatırlatamız ki, Suspilne Qırım mecburen köçip kelgenlerniñ qorantalarınen subetleşken edi. Qırım balaları yarımadanıñ işğali sebebinden anda yaşağanlarını hatırlamaylar, amma özlerini qırımlı dep sayalar.
Telegram, WhatsApp ve Facebookta Suspilne Qırım haberlerine abune oluñız
