Berim ayınıñ 20-ne qadar Qırımdaki işğalli makemelerge "Rusiye Federatsiyasınıñ ordusını itibardan tüşürüv" maddesine binaen umumen 979 dava keldi.
Ukraina prezidentiniñ Qırım Muhtar Cumhuriyetindeki temsilciliginiñ matbuat hızmeti bunı bildirdi.
Qayd etilgenine köre, 875 davada memuriy para cezasını berüv ükümi çıqarıldı ya da başqa maddelerge istinaden başqa bir davağa qoşuldı ve umumiy üküm çıqarıldı.
17 davasınıñ baqılayata. Umumen, üküm olaraq çıqarılğan para cezalarınıñ umumiy miqdarı eñ az 26,4 mln Rusiye rublesi (≈ 11,5 mln grivna) ola.
Cinis mensüpligine köre, 377 (43%-i) üküm qadınlarğa, 497 (57%-i) üküm ise erkeklerge qarşı çıqarıldı.
"Böylece, vaqtınca işğal etilgen Qırımda Ukraina tarafını tutqanı içün taqip etilgen, em de işğalciler tarafından basqı, qorquzuvlarğa oğrağan aman-aman er ekinci insan — qadındır", — dep bildirildi.
Qayd etilgenine köre, qanunsız tutuvlarnıñ sebepleri arasında içtimaiy ağlarda Ukrainağa qol tutuv yazıları ve tefsirleri, ukrain yırları, ukrain devlet timsalleri, işğalcilerni takbih etüv ve ilâhre.
Aynı zamanda Varşavadaki OSCE konferentsiyasınıñ insan ölçüsi çerçivesinde keçirilgen tedbirde Qırım uquq qorçalayıcı gruppasınıñ halqara adliye idaresiniñ idarecisi İrına Baran bildirdi ki, al-azırda Rusiye qanunları ukrain tarafdarı olğan er angi açıq ifadeler içün ceza ve apis cezasını bermege izin bere.
"Şunı qayd etmege isteyim ki, tolu miqyaslı istilâ başlağan soñ insan aqları vaziyeti, hususan söz serbestliginen bağlı vaziyet fenalaştı, çünki Rusiye işğalli akimiyeti vatandaşlarğa qarşı basqı aletlerini kenişletti. Olar, Ukraina tarafını tutqan er angi açıq beyanat içün para cezasını bermege ya da apiske almağa izin bergen yañı qanunlarnı kirsettiler", – dep qayd etti Baran.
Telegram, WhatsApp ve Facebookta Suspilne Qırım haberlerine abune oluñız
