Ukrainada "Qırım öz tüsüni alır" adlı zemaneviy qırımtatar şiiriyetiniñ cıyıntığı taqdim etildi. Onı qırımtatar edebiyatını populârlaştıruvnen oğraşqan Kitap Qalesi cemaat teşkilâtı çıqardı.
Suspilne Qırımğa Kitap Qalesiniñ tesisçilerinden biri Cemile Ablâkimova añlattı.
Cemaat teşkilâtınıñ qayd etkenine köre, şiiriyet cıyıntığınıñ müellifleriniñ esas maqsadı — qırımtatar müelliflerine soñki 10 sene devamında tsenzura şaraitinde olğan şahsiy fikir ve duyğularını ifade etmege imkân bermek.
"Biz Kitap Qalesi üzerinde teşebbüs olaraq çalışmağa başlağanda, ne yazmaq kerek olğanımız aqqında farqlı fikirlerimiz bar edi. Qayd etüv vaqtında biz Let`s NGO programmasına ariza berdik. O, genç cemaat ve medeniy teşebbüslerge teşkilât inkişafı boyunca vesiqalarnı azırlamağa ve ilk suallerni bermege yardım ete. Programma devamında ileri ğayelerge destek berile. Bizim esas ğayemiz Qırımğa sürgünlikten qaytqan şairlerge öz icadlarını Qırımdan tış da tarqatmağa imkân bermek edi. Lâkin olarnıñ çoqusı içün şimdiki şaraitte, yazıq ki, bu telükelidir, şunıñ içün cıyıntıq müelliflerniñ zemaneviy yaşayışları aqqında çoqça oldı", — dep Cemile Ablâkimova añlattı.
Onıñ aytqanına köre, kitapnıñ çıqışı kelecekte tek Qırım aqqında degil de, qırımtatar halqınıñ kerçek qasevetleri ve ümütleri aqqında hatırlatmağa imkân berecek.
"Bu cıyıntıq bir taraftan qırımtatar tilini latin tilinde oqumağa imkân bere, başqa taraftan ise tilni ögrenmege yardım ete", — dep qayd etti Cemile Ablâkimova.
Şimdilik kitapnıñ onlayn şekli taqdim etildi, lâkin taqım kitapnıñ basılacaq nushası içün para toplamağa planlaştıra.
Hatırlatamız ki, Ukrainada Qırımtatar tili ve edebiyatı künü peyda ola bilir.
Telegram, WhatsApp ve Facebookta Suspilne Qırım haberlerine abune oluñız
