İşğal etilgen Qırımnıñ Aqyar, Aqmescit, Kezlev, em de Donetsk, Luhansk ve Zaporijjâ vilâyetleriniñ şeerlerinde işğalci akimiyetke qarşı yañı qarşılıq aktsiyaları olıp keçtiler. Faalciler azatlıq ümütini saqlağan ve işğalcilerni qorqutqan işaretler qaldırdılar.
Bunı "Sarı şerit" areketiniñ faalcileri öz Telegram kanalında bildirdiler.
"Bizler işaret ve timsallerni qaldıramız. Bazıları aylarnen, yıllarnen, keçip ketkenlerge ümüt ve quvanç bereler. Bazıları qorqıp, işğalci ve duşmannen işdeşlik yapqanlarnıñ gece qorqularınıñ sebebi olalar", — dep yazdılar areket iştirakçileri.
Aktsiyağa Aqyar, Aqmescit, Kezlev, Donetsk, Mariupol, Nova Kahovka, Tokmak ve Lutuğınovo şeerleriniñ faalcileri qoşuldılar.
Telegram, WhatsApp ve Facebookta Suspilne Qırım haberlerine abune oluñız
