"Ateş" arbiy-partizan areketi işğal etilgen Qırımnıñ Bağçasaray rayonınıñ Aqleyiz ve Acı Bolat köyleri yanında tintüv keçirgenini bildirdi. Areketniñ agentleri Qara deñiz yalısında Rusiye askerleriniñ yañı ateş noqtalarını ve donatılğan mudafaa inşaatlarını taptı.
"Ateş" öz Telegram kanalında bu aqqında haber etti.
Partizanlarnıñ malümatına köre, işğalciler deñizge çıqışnı qapatmaq içün yalı boyu qora quralar.
"Biz çoqtan berli Rusiye Silâlı quvetleri ukrain desantınıñ keleceginden qorqqanını yazğan edik, bu ise olarnı ateş noqtaları ve mudafaa inşaatlarını qurmaq içün mümkün olğanı qadar çoq asker celp etmege mecbur ete", — dep bildirildi.
Hatırlatamız ki, evel "Ateş" işğal etilgen Aqyarda Rusiye Arbiy-deñiz flotunıñ 810-ıncı ayrı deñiz piyade brigadası mahsus tehnika yardımınen mudafaa qurulışlarını qurmaq içün vatandaşlarnı qullana.
Telegram, WhatsApp ve Facebookta Suspilne Qırım haberlerine abune oluñız
