Qırımtatar asıllı ukrain yırcısı Jamala Aqmescitniñ "ARAFAT DAĞINDAN" eski türküsiniñ klipini taqdim etti. O, dinge bağışlanğan az türküden biri oldı.
Yırcı berimniñ 27-nde Facebook saifesinde bunı bildirdi.
"Hatıralar — bizim qalğanımız tek șeydir. İnsanlarnıñ, şeylerniñ, yerlerniñ hatırlavları bizni bahtlı etti. Öz-özüñge ikâye, dua ya da mantra aytasıñ", — dep izaatladı Jamala türküsini.
O, büyük qartbabası Nazılhan vefat etken kününi hatırlay edi.
"O, uyanıp, anamdan: "Bugün ne künü?" — dep soradı. "Cuma künü. Bugün men ölecegim". Anamdan yufaq aş pişirmege rica etti ve episini yedi. Soñra qomşusını çağırdım, oña dua oqudım ve o vefat etti", — dep hatırlay yırcı.
Jamala türküsi ve videosınen ğururlanğanını qayd etti.
"Bu video, eñ güzel bayramlarda ya da müim tedbirlerde taqqan qıymetli bir şey kibi. Salvador Daliniñ resimleri kibi, manalı, felsefiy ve ruhiy", — dep qayd etti qırımtatar qadını.
Bu diniy mevzuğa bağışlanğan yırnıñ felsefiy, teren ve dramatik manası bar.
"Arafat dağından, dağından, Enerler hacılar. Yüregimde bitmez de acılar, Ğamlar da, acılar.
Varayım, gideyim, gideyim, Dağlarnıñ başına. İsmiñni yazdırayım, yazdırayım, Qabrimniñ taşına, Qabrimniñ taşına", — türküniñ sözleri.
Hatırlatamız ki, Qırımnıñ işğalci akimiyeti oraq ayınıñ 5-nde ukrain yırcısı Jamalanıñ evini zapt etti. O qayd etti ki, anda kimse yaşamay edi, onı qomşular baqa edi.
Telegram ve Facebookta Suspilne Qırım haberlerine abune oluñız
