"Ateş" arbiy-partizan areketi Rusiye işğalcileriniñ tehnikasını alıp ketkenlerini qayd etti. Onı Qırımdaki tamir bazalarında tamir etken soñ Kursk vilâyetine daa da qullanmaq içün yollaylar.
Partizan areketi Telegram kanalında bunı yazdı.
Partizanlar Rusiye Federatsiyasınıñ 810 deñiz piyade brigadasınıñ silâsı, topları ve arbiy tehnikasınıñ areketini taqip ettiler.
"Yarımadada olğan tamir bazalarında bütün bozulğan tehnika faal sürette tamir etile, ileride Kursk vilâyetine eşelon etmek içün yollanıla. Bu Kursk yönelişinde silâ qıtlığını köstere, onı daa az faal olğan Herson yönelişleri sayesinde toldurmağa tırışalar", — dep bildirildi.
Hatırlatamız ki, "Ateş" Qırımda Çonğar köprü yanında Rusiye işğalcileriniñ S-300V ava mudafaası sistemasını taptı.
Telegram ve Facebookta Suspilne Qırım haberlerine abune oluñız
