Qırımdaki "Ateş" arbiy-partizan areketi, Çonğar köprü yanında Rusiye işğalcileriniñ S-300V ava mudafaası (AM) sistemasını keşf etip taptı. Kompleks yarımadanıñ şimaliy tarafını qaplap ala. Tafsilâtlı malümat, AV yerleştirüv noqtaları aqqında malümat Ukraina Mudafaa quvetlerine berildi.
Partizan areketi Telegram kanalında bu aqqında yazdı.
Çonğar köprü yanında Rusiye işğalcileriniñ AM sistemasınıñ PZU 9A84 silâlı mudafaa sisteması tapıldı — o yarımadanı şimal tarafından qaplap ala.
"Ukraina Mudafaa quvetlerine AM sisteması, zıddiyet qurulışları ve radar sistemalarınıñ yerleştirilüvi aqqında tafsilâtlı malümat qayd etildi ve berildi", — dep bildirildi.
Anda şunı da qoştılar ki, ukrain askerlerine berilgen malümat "işğalli rejimniñ kritik obyektlerine ücümlerni daa semereli planlaştırmağa, mudafaalarnı zayıflatmağa ve Qırımnıñ azat etilüvini yaqınlaştırmağa" imkân berecek.
Hatırlatamız ki, "Ateş" partizanları Qırım köprüni teşkerdi ve onı acele tamir etmek kerekligini qayd etti.
Telegram ve Facebookta Suspilne Qırım haberlerine abune oluñız
