Felemenkteki Ukraina vekâletli elçisi berim ayınıñ 12-nde Ukraina Silâlı quvetleriniñ qırımtatar veteranlarınen beraber Ukraina Silâlı quvetleriniñ askerleri Mustafa Ablâlimovnı Birlik ve Azatlıq nişanınen taqdirledi. Adam cebede ağır yaralandı.
Bunı Rusiye-Ukraina cenkiniñ veteranı, "Haytarma Qırım" cemaat teşkilâtınıñ reisi Arslan Misiratov Facebook saifesinde bildirdi.
Onıñ aytqanına köre, şu anda Ablâlimov ağır yaralanıp, Felemenk hastahanesinde tedaviylene.
Hatırlatamız ki, berim ayınıñ 9-nda Kıyivde Ukrainada musulmanlar içün birinci veteran merkezi açıldı. Askerler, veteranlar, olarnıñ aile azaları, elâk olğan ve ğayıp olğan musulman askerlerniñ tuvğanları yardım içün muracaat ete bileler.
Telegram ve Facebookta Suspilne Qırım haberlerine abune oluñız
