Berim ayınıñ 9-nda Kıyivde Ukrainadaki musulmanlar içün birinci veteran merkezi açıldı. Askerler, veteranlar, olarnıñ aile azaları, elâk olğan ve ğayıp olğan musulman askerleriniñ tuvğanları yardım içün muracaat ete bileler.
Suspilne Qırım mühbiri bunı bildirdi.
"Ukraina içün pek çoq millet, musulman yigiti cenkleşe, olarnı em din, em de Ukrainanıñ mustaqillik oğrunda küreşinde yardım birleştire", — dep "Haytarma Qırım" cemaat teşkilâtınıñ reisi Arslan Misiratov añlattı.
Başqa veteran merkezlerinden farqlı olaraq, mında tek musulmanlarğa berilgen halal aşlar berilecek. Bundan da ğayrı, namaz qılmaq içün oda bar, ve daa arbiy imam çalışacaq.
"Merkezde cami bar. Bizim Quranımız, maneviy kitaplarımız ve ilâhre bar. Bütün meseleler ruhiyatçı tarafından çezilmey, çünki diniy meseleler biraz başqaca. Ve imamnıñ vazifesi de budır", — dep musulman veteranları içün arbiy imam İsa Muhamed qayd etti.
Merkezde ruhiy ve uquqiy yardım kösterilecek. Advokat Taras Borovskıy eñ sıq soralğan suallerge cevap berecek.
"Ödemeler, tedaliyev almaları içün bozulğan aqlarnı ğayrıdan tiklemege yardım. Askerlerniñ ölümi sebebinden para aluvda qıyınlıqları olğan qorantalar da muracaat eteler", — dep qayd etti o.
Musulman veteranlar merkezi Şota Rustaveli soqağı, 39/41 adresinde yerleşe. O, Bazarertesi kününden Cumaertesi kününe qadar, saat 10-dan saat 18-ge qadar açıq.
Telegram ve Facebookta Suspilne Qırım haberlerine abune oluñız
