İşğal etilgen Qırımda "Sarı Şerit" areketi, yarımadanıñ Ukraina nezareti altına qaytarılması içün küreşke birdemlik köstermek içün qarşılıq aktsiyasını keçirdi. O, berim ayınıñ 11-nde Kıyivde keçirilgen Qırım platformasınıñ dörtünci sammitine bağışlandı.
"Sarı şerit" areketiniñ faalcileri öz Telegram kanalında bunı bildirdiler.
Aqmescit, Aqyar, Kezlev, Yalta, Canköy ve Ermeni Bazarlarında yerli vatanperverler ukrain Qırımı içün küreşken er keske qol tutuvlarını ve birdemliklerini numayış ettiler.
Faalcilerniñ aytqanına köre, işğalge baqmadan, olar qarşılıq köstermege devam etecekler ve Qırım Ukrainanıñ toprağı olğanını hatırlatacaqlar.
"İşğal etilgen Qırımda er kün ve toqtamayıp Ukrainağa qoltutqan yüzlerce insanlarnıñ adından şunı aytamız – Qırım ukrain edi, Qırım ukraindir, Qırım ukrain olacaq", – dep bildirildi.
Telegram ve Facebookta Suspilne Qırım haberlerine abune oluñız
