Berim ayınıñ 6. sabası işğalciler Qara deñizge 4 raketanen "Kalibr" qanatlı raketa taşıyıcısı olğan bir gemisini arbiy hızmetke yolladılar. Aynı zamanda Azaq deñizinde işğalcilerniñ gemileri yoq.
Ukraina Arbiy-deñiz quvetleriniñ matbuat hızmeti Telegramda bunı bildirdi.
Aq deñizde eki Rusiye gemisi bar, olardan biri - 8 raketağa saip olğan "Kalibr" qanatlı raketa taşıyıcısı.
Bundan da ğayrı, keçken künü Rusiye Federatsiyasınıñ menfaatları içün Keriç boğazından Qara deñizge eki gemi keçti, ekisi İstanbul boğazına areket ete edi. Azaq deñizine Keriç boğazından üç gemisi keçti, olardan biri İstanbul boğazına areket ete edi.
"Rusiye, avtomatik identifikatsiya sistemasını (AIS) söndürerek, 1974 senesiniñ Deñizde insan ayatınıñ qoruvı aqqında halqara şartnamesini (SOLAS) bozmağa devam ete", — dep qayd etildi.
Telegram ve Facebookta Suspilne Qırım haberlerine abune oluñız
