Berim ayınıñ 2. gecesi işğalciler Kyivge kütleviy bir raketa ücümini yaptılar. Tüşürilgen parçalar AMU/QMCMDİQırım Muhtar Cumhuriyeti musulmanları diniy idaresiniñ islâm medeniyet merkeziniñ binasına zarar ketirdi.
Qırım musulmanları diniy idaresiniñ matbuat hızmeti Facebookta bunı bildirdi.
"Rusiye tarafından yapılğan daa bir terroristik ücüm neticesinde bugün saba Kıyivdeki (Nivkıdaki cami) QMCMDİ İslâm medeniy merkezi zarar kördi", — dep bildirildi.
Qırım müftisiniñ ekinci muavini Ayder Rustemovnıñ Suspilne Qırımğa Vadım Daşevskıy merkezniñ binasına zarar ketirilgenini añlattı.
"Bu tahminen saba saat beşten beş buçuqqa qadar oldı. İnsanlar saba namazına kelgende, bu viranelerni kördiler. Bina em tışından, em de içinden pek çoq zarar kördi", — dep bildirdi o.
Daşevskıynıñ qayd etkenine köre, patlama dalğası pencereler, qapularnı qırdı, bir zalda tavan tüşti. Ücüm neticesinde yaralanğanlar yoq.
"Şimdi (merkezniñ — muar.) işniñ ğayrıdan tiklenmesi aqqında aytmaq qıyın. Ne qadar tez işke qaytıp olacağımıznı bilmeyim. Bütün kilimler camda, ve musulmanlar olar üstünde dua eteler. Er şeyni yañıdan qurmağa tırışacaqmız", — dep hulâsa çıqardı o.
Hatırlatamız ki, bazarertesi künü, berim ayınıñ 2-nde, gece, Rusiye Kyivge kütleviy bir raketa ücümini yaptı. Paytahttaki ava mudafaası bir qaç qanatlı ve bir qaç balistik raketanı ve ücüm uçaqlarını yoq etti. İlk evelâ, bu X-101 ve KN-24/İskander-M raketaları. Parçalar dört rayonğa tüşti. Eki insan ekimlerge muracaat etti, birini hastahanege qoydılar.
Telegram ve Facebookta Suspilne Qırım haberlerine abune oluñız
