Rusiye Mudafaa nazirligi armannıñ 30. gecesi işğal etilgen Qırım üzerinde eki uçucısız aletni tüşürgenini bildirdi.
Rusiye mudafaa nazirligi Telegramda bunı bildirdi.
"18 ukrain uçucısız aleti Ava mudafaası vastasınen yoq etildi. 11 dron ise Brânsk vilâyetiniñ üzerinde, dörtü Kaluğa vilâyetiniñ üzerinde, eki uçucısız alet Qırım Cumhuriyetiniñ üzerinde ve biri Belhorod vilâyetiniñ üzerinde uruldı", — dep bildirildi.
Aynı vaqıtta bu gece Canköy sakinleri patlamalarnı eşitkenler.
"Tünevin gece şeerniñ tışında eki patlama eşittim. Patlamalar küçlü degil edi", — dep Suspilne Qırımğa Canköy sakini añlattı.
Hatırlatamız ki, Rusiye Mudafaa nazirligi arman ayınıñ 29. gecesi Qırım üzerinde üç dronnı tüşürgenini bildirdi. O vaqıt Aqyarnıñ işğalci gubernatorı Mihail Razvjayev, dört dron ve üç taqımsız katerni yoq etkenlerini bildirdi.
Telegram ve Facebookta Suspilne Qırım haberlerine abune oluñız
