Arman ayınıñ 23-nde qayd etilgen Ukraina Devlet Bayrağı Kününe "Açuvlı Mavka" qadın areketiniñ faalcileri işğal etilgen Qırımnıñ şarqındaki Keriç şeerinde Rusiye bayrağını yaqtılar.
Areketniñ Telegram kanalında bu aqqında haber etildi.
"Keriçte bugün duman bar — alâ daa köpür degil, işğalcilerniñ üç renkli bayrağını yaqqan Mavkalar. Çünki bizim ukrain toprağımızda Rusiye çanağına yer yoq! Bayraq künü hayırlı olsun, ve Ukrainanıñ er bir köşesinde mavi-sarı bayraq olsun!" — dep bildirildi.
Hatırlatamız ki, arman ayınıñ 23-nde Ukrainada Devlet Bayrağı Künü qayd etile. Saba Ukraina prezidenti Volodımır Zelenskıy, Ukraina Silâlı quvetleriniñ yolbaşçısı Oleksandr Sırskıy ve Mudafaa nazirliginiñ yolbaşçısı, qırımtatar Rustem Umerov ukrainlerni bayramnen hayırladılar.
Umerovnıñ aytqanına köre, Ukrainanıñ devlet bayrağı — istilâsızlıq, qaramanlıq ve mustaqillik içün küreşniñ timsali, em de "bizim küçümiz, onı yüreginde taşıp, ğalebe içün ileri ketken er bir askerniñ irade ve qaviylik menbasıdır".
Telegram ve Facebookta Suspilne Qırım haberlerine abune oluñız
